Privatet, rritja mesatare e pagave 15%
Sektori i ndertimit, sherbimet dhe hoteleria kane aplikuar rritjen me te madhe te pagave gjate ketij viti ne sektorin privat. Sipas nje vleresimi te Bankes se Shqiperise, shkak per rritjen e theksuar te pagave ne sektorin privat, gjate tremujorit te dyte te ketij viti, ka qene nxitja e bizneseve per te deklaruar pagat reale. Ne statistikat zyrtare, rezulton se pagat gjate vitit 2007 shenuan rritje si ne sektorin shteteror dhe ne ate privat. Por, rritja e pagave ishte e ndryshme midis sektoreve. Ne sektorin privat, rritja e indeksit te pagave varion nga 15 per qind ne sektorin e ndertimit, deri ne 40 per qind ne sektorin e sherbimeve-hoteleve. Keto dy sektore ne zhvillim mbajne peshe te madhe si ne ritmet e rritjes ekonomike, ashtu edhe ne numrin e te punesuarve. Norma vjetore e rritjes se pages mesatare ne sektorin privat ishte 15 per qind, ose rreth 4 pike perqindjeje me e larte se mesatarja e rritjes se regjistruar gjate pese viteve te fundit.
Gjate ketij viti, qeveria mori nje sere reformash qe kishin te benin me sektorin e pagave sidomos te privatet. U miratuan pagat e reja minimale sipas sektoreve dhe profesioneve me nivel me te larte se paga minimale 140 mije leke, qe merrej me pare ne konsiderate per te paguar taksat dhe sigurimet shoqerore. Po keshtu, qeveria kete vit detyroi bizneset qe te bejne pagesat e rrogave nepermjet sistemit bankar. Keto reforma ndikuan ne rritjen e deklarimit te pagave ne sektorin privat dhe per rrjedhoje raportimet e reja evidentuan paga me te larta. Mbi strukturen e re te pagave minimale eshte vjele taksa e sheshte, e cila kete vit ka frenuar rritjen neto te pagave pasi ka prekur edhe punonjesit me rroga te uleta. Por zyrtaret e Ministrise se Financave jane te bindur se pagat e privateve jane shume here me te larta sesa pagat minimale te miratuara tashme. Ne kete konstatim te financave bejne perjashtim vetem ndermarrjet fasone, te cilat aktualisht ofrojne nje page me te ulet sesa minimalja 160 mije leke. Per kete qellim, ne keto aktivitete, pagat referuese do te hyjne ne fuqi ne janar te 2008, ne momentin e pergjysmimit te tatim-fitimit me 50%.