Problemet nga reshjet ne qarkun e Beratit

Rikthimi i reshjeve të shiut me intensitet të lartë ka nxjerr në pah sërish problemet në Qarkun e Beratit. Terreni i thyer dhe mungesa e rrjetave mbrojtëse e ka bërë të vështirë qarkullimin e mjeteve në aksin rrugor Berat- Çorovodë. Në pjesë të shumta të këtij aksi rrugor ka patur rënie të gurëve dhe dherave në rrugë. Ndonëse, nga ana e punonjësve të mirëmbajtjes së rrugëve nuk mungon marrja e masave për heqjen e tyre nga rruga situata përsëritet gjatë sezonit të dimrit.