Programet e nxitjes së punësimit-Mundësi shumë e mirë për të rinjtë

Ana Rushiti, 26 vjeç, është një nga të rinjtë që ka përfituar nga programi i nxitjes së punësimit, duke marrë pjesë në një praktikë profesionale pranë zyrave të punës për një periudhë tre-mujore. Ky program i ka dhënë mundësinë të fitojë përvojë të vlefshme në fushën e saj dhe të përfshihet direkt në proceset administrative që lidhen me tregun e punës.

Ana shpreh kënaqësinë e saj për këtë mundësi, duke theksuar se praktika e ka ndihmuar të zhvillojë aftësi të reja dhe të zgjerojë horizontet e saj profesionale.

Për këtë vit në rrethin e Gjirokastrës falë programeve të nxitjes së punësimit është mundësuar punësimi i rreth 65 individëve kryesisht të rinj.

Gazetare: Nermin Spahiu

/RTSH/