Programi i mazhorances se re, PS akuza per qeverisjen e PD
Ne seancen maratone te zhvilluar dje ka folur pjesa me e madhe e grupit te deputeteve te Partise Socialiste dhe Partise Demokratike. Rreth 100 deputete te Kuvendit kane bere kerkesen per te komentuar programin qeverises se koalicionit te majte. Ndersa deputetet e PD kane akuzuar PS per program jo realist dhe mungese shifrash, deputetet e PS-se ne fjalimet e tyre kane akuzuar PD per 8 vite keqqeverisje. Deputetet e PS-se jane ndalur me gjate menyren sesi duhet te realizohen reformat, duke i krahasuar ato me qeverisjen e tete viteve te Partise Demokratike. Deputeti Pandeli Majko tha ne fjalen e tij se sfida kryesore e qeverise se re eshte ekonomia. “Qeveria e re ne programin e saj 4-vjecar eshte ofruar me nje kerkese te natyrshme per te ndryshuar situaten ne te cilen ndodhet Shqiperia. Ate e presin nje tufe faturash te pashlyera te nje qeverie qe ka marre borxh edhe per ata qe sot nuk kane lindur akoma. Ironike por e vertete eshte fakti qe te gjitha projektet e medha qe qeverisja e djathte nisi vite me pare me plot ambicie nuk kane perfunduar ende per mungese fondesh”,- u shpreh Majko. Ai shtoi se “situata ekonomike e vendit eshte ne nje krize ekstreme. Pamjen me te plote te saj kemi per ta pare me kalimin e kohes”. Deputeti Bashkim Fino tha ne fjalen e tij se detyra kryesore e kesaj qeverie eshte shmangia e informalitetit dhe trajtimit te barabarte te pushtetit vendor, i cili sipas tij ka qene i diskriminuar me pare. “Qeverisja jone synon te mbylle epoken e informalitetit. I ka ikur koha bllokimeve te fondeve per arsye politike. Mazhoranca jone i ka arsyet per te plotesuar kete program. Cilat jane arsyet te votosh kete program! Eshte kryerja e reformes administrative, rritja e transparences dhe llogaridhenies dhe me shume pushtet per qytetare”,- u shpreh Fino. Akuza te forta ka bere ne drejtim te opozites se re deputeti Erjon Brace. Ne fjalen e tij, Brace u shpreh se qeveria e re duhet te beje reformat me te medha. Ndersa shtoi se sfida e Kryeministrit te ri eshte me mafien. Ai tha se ekonomia kombetare duhet cliruar nga “krimi i organizuar” dhe qeveria e re duhet ti pergjigjet kesaj situate me cdo kosto. “Kryeminister! Ju keni nje aleat te madh-popullin; por keni dhe kundershtare te forte-mafian. Nese duhet qe ju dhe ne bashke te zgjedhim, atehere me mire prishja e kontratave te tyre, se sa ekonomia kombetare te bjere teresisht ne dore te mafias”,- u shpreh deputeti Brace. Ndersa deputeti tjeter i PS-se, Fatmir Xhafa u shpreh se mazhoranca e re nuk ka hedhur poshte cdo gje qe ka bere Partia Demokratike ne pushtet. “Kryeministri Rama ne disa deklarime publike, njohu disa arritje dhe pune te dobishme e te qeverisjes se meparshme dhe i shtrime doren opozites se sotme duke ndertuar nje qasje ndryshe dhe jo sjellje denigruese si ajo e meparshme”,- u shpreh Xhafa. Ndersa perfaqesuesit e Levizjes Socialiste per Integrim, kane folur per nevojen e reformave kryesore ne vend, me qellim integrimin e Shqiperise ne BE dhe permiresimin e jetes se qytetareve. Deputeti Vangjel Tavo u shpreh se 1 milione shqiptare lidhen kontrate me kete koalicion. “Kjo kontrate politike premton lufte reale ndaj korrupsionit, mbeshtetje per biznesin e vogel, te mesem apo te madh, nje zhvillim urban dhe rural qe i perngjasin vendeve fqinje, nje permiresim te ndjeshem te rrugeve, te cilesise dhe sigurise se transportit publik dhe shume aspekte te tjera te jetes ne vend”,- u shpreh Vangjel Tavo.