Projekti i TAP i rendesishem per vendet e Rajonit
Gjate vizites se tij ne Shqiperi, Kryetari i Parlamentit te Azerbajxhanit, Ogtay Asadov, ka zhvilluar takime te rendesishme me zyrtaret me te larte ne vend. Dje, kreu i parlamentit te Azerbajxhanit eshte takuar me Kryeministrin Berisha dhe me ministrin e Ekonomise, Haxhinasto. Z. Asadov i shprehu Kryeministrit vleresimet per reformat e ndermarra ne Shqiperi gjate viteve te fundit, te kurorezuara me anetaresimin e vendit ne NATO dhe ecjen perpara ne procesin e integrimit europian. Shqiperia, - tha z. Asadov, - eshte nje faktor i rendesishem qe i perket familjes europiane. Berisha tha se gjate muajve qe pasuan viziten e tij ne Azerbajxhan jane bere perpjekje pozitive per te zhvilluar marredheniet midis dy vendeve, bazuar ne ndjenjat e sinqerta midis dy popujve qe ruajne lidhje e shkembime te hershme. Ne menyre te vecante, Berisha u ndal ne projektin e gazsjellesit Trans-Adriatik (TAP), duke e cilesuar ate, nje projekt vizionar, varianti me ekonomik dhe me trajektoren me te shkurter, me nje leverdi te madhe per Azerbajxhanin, vendet rajonit e tone dhe Europen Perendimore. Duke nenvizuar se TAP ka mundesi reale qe te perzgjidhet nga konsorciumi i Shah Deniz, Kryeministri theksoi se qeveria shqiptare eshte e angazhuar te permbushe cdo detyrim te saj, ne kete drejtim. Kryeministri pohoi se Shqiperia mbetet e hapur qe, ne kuader te ndertimit te infrastrukturave te rendesishme te gazifikimit ne vendit, te mireprese investitoret azere, qe kane nje ekspertize te madhe ne te kete drejtim.