Projekti i Unazes se madhe, tenderi brenda javes Luljeta Ndoka
Unaza e madhe, nje veper e rendesishme strategjike e parashikuar ne Planin e ri Urbanistik, eshte ne proces ndertimi. Projekti i dorezuar nga Bashkia e Tiranes Drejtorise se Pergjithshme te Rrugeve, e cila e financon kete me fondet e qeverise shqiptare, do te tenderohet brenda kesaj jave, ne te cilen sapo kemi hyre. Sipas burimeve nga Bashkia e kryeqytetit, projekti ne fjale parashikon ndertimin e segmentit nga shkolla teknologjike te qendra "Kristal". Mesohet se projekti parashikon qe segmenti i Unazes se Madhe te kete gjatesi rreth 2.8 km dhe te njejten gjeometri me segmentet e perfunduara te kesaj Unaze. Ne projekt parashikohet ndertimi i Unazes se Madhe dhe rrugeve paralele me te gjitha shtresat rrugore, ujesjellesit, ndricimin rrugor, gjelberimin dhe sinjalistiken vertikale dhe horizontale. Unaza e madhe eshte konceptuar te funksionoje si rruge shpejtesie (80km/ore), me hyrje dalje te disiplinuara, me 2 karexhata, korsi emergjence, si dhe 3 breza gjelberimi me gjeresi 2 metra. Rruget paralele jane parashikuar ne varesi te densitetit te banimit dhe zonave qe konturojne objektin. Funksioni i ketyre rrugeve eshte ai i sherbimit per banoret dhe bizneset pergjate Unazes se Madhe, si dhe mbledhja e trafikut te zonave dhe disiplinimi i tyre. Sipas eksperteve te Bashkise se Tiranes, per funksionimin sa me te mire te objektit dhe qarkullimin sa me lirshem te mjeteve dhe kembesoreve jane parashikuar dhe ndertimi i disa nenkalimeve dhe mbikalimeve per mjetet dhe kembesoret. Ne nyjat kryesore te trafikut, ne lidhjet e Unazes me rruget e tjera, eshte parashikuar zgjidhja e kryqezimeve ne disnivel. Per te gjithe kryqezimet dhe degezimet rrugore, eshte bere trajtimi me shtresa rrugore deri ne nje distance 50 metra. Trotuaret jane parashikuar ne pjesen e jashtme te rrugeve paralele, ne te gjithe gjatesine e tyre me gjeresi 3-5 m. Te gjithe keto projekte nisin nga zbatimi brenda ketij viti. Aktualisht po punohet ne rrethrrotullimin e Doganes. Ne fillim te muajit gusht, nisin punimet per rrugen e "Berrylit" dhe ndertimin e 6 rrugeve te reja ne kryeqytet. Tenderimin e ketij projekti brenda kesaj jave, e lancoi pak dite me pare kryetari i Bashkise se Tiranes, Lulzim Basha, gjate bilancit te punes njevjecare. Nder te tjera ai lancoi edhe tenderimin e projektit per kete segment, duke e cilesuar mjaft te rendesishem, pasi ne teresi unaza e madhe do te ndikoje per uljen e mases se trafikut ne kryeqytet.