Projekti, teste maturimi edhe ne universitete
Edhe ne universitete do te kete testime strikte, ashtu si ne Maturen Shteterore, apo Maturen e Lirimit. Ministri i Arsimit dhe Shkences, Genc Pollo, paralajmeroi dje nje menyre te re per kontrollin e dijeve te fituara ne universitete, duke pasur parasysh efikasitetin qe solli procesi i Matures Shteterore. "Vitin e kaluar, ne pilotuam vleresimin e Provimeve te Lirimit me standardet e te Matures Shteterore, qe rezultoi i suksesshem. Gjithashtu, ky lloj testimi mund te jete i vlefshem edhe per arsimin e larte. Mendoj qe se shpejti do kemi zhvillime te reja ne kete sektor", deklaroi ministri. Gjithashtu, ai tha se per Maturen 2008 do te ndermerret edhe nisme e re sic eshte keshillimi i karrieres. "Ditet e gjimnazisteve ne universitet", do te quhet nisma, e cila do te filloje qe ne pranveren e vitit qe po vjen. Megjithate, sipas ministrit Pollo, eshte detyre e AVA-s, nder te tjera, qe te analizoje rruge moderne te testimit per te vleresuar mendimin kritik, aftesite krijuese dhe rezultate te tjera qe nxenesit duhet t'i kene te zhvilluara ne perfundim te shkolles se mesme. "Ne nuk mund te leme te vetmuar Maturen Shteterore, por na duhet te ecim perpara me reformen teresore te vleresimit te nxenesve", theksoi ai. Sipas tij, Matura Shteterore solli nje konceptim te ri ne formen e zhvillimit te provimeve. Por ky proces natyrshem solli edhe nevojen per ndryshim ne menyren e punes se mesuesit dhe ne qasjen e nxenesit ndaj dijeve. Sipas ministrit Pollo, se afermi specialistet duhet te fillojne te veshtrojne me lupe ne dore te gjithe elementet e matures, ne menyre qe te ndreqim cdo devijim te mundshem nga korrektesa e saj. "Gjithashtu, per hir te paanshmerise ne renditjen e maturanteve, do te bejme cmos qe te zvogelojme luhatjet subjektive ne mes shkollave per noten mesatare te te kater viteve, duke pershpejtuar percaktimin e standardeve te arritjeve te nxenesve, por edhe te standardeve te mesuesve", premtoi ministri.
Filter per te dobetit
Maturantet do te seleksionohen para se te vije periudha e provimeve te Matures Shteterore. Ne menyre qe te skualifikohen nxenesit me nivel te dobet, Agjencia e Vleresimit dhe Arritjeve do te hartoje nga tre variante per cdo test, te cilit do t'i nenshtrohen pa dallim te gjithe maturantet. Ata qe nuk do te arrijne dot te shpallen kalues ne keto parateste, nuk do te kene te drejten te futen ne provimet e Matures Shteterore 2008. Sipas burimeve nga Ministria e Arsimit dhe e Shkences, nje gje e tille do te behet me qellim qe te shmanget niveli i dobet ne procesin e matures.