Prokuroria nis verifikimin per dhunimin e varreve ne Boboshtice
Prokuroria e Korces nis hetimet per dhunimin e varreve ne varrezen e vjeter te Boboshtices. Organi i akuzes ka ngritur nje grup pune per te kryer veprimet per te gjitha cfare kane ndodhur ne varrezen e fshatit. Nje grup hetimor do te merret me ceshtjen e varreve per te grumbulluar materialet e nevojshme per nisjen e nje procedimi verifikimin ne vend te situates dhe marrjen ne pyetje te personave qe kane kryer punimet.
Sipas te dhenave nga Prokuroria e Rrethit Gjyqesor te Korces ne varesi te materialeve qe do te paraqese grupi hetimor pritet te nise edhe procedimi penal ne rast se konstatohet konsumimi i vepres penale dhunim i varreve.
Dhunimi i varreve parashikohet si veper penale ne Kodin Penal te Republikes se Shqiperise. Ne nenin 118 te ketij kodi per dhunimin e varrezave parashikohet denim me gjobe deri ne 5 vjet heqje lirie.
Prokuroria e Korces ka qene e rezervuar per te deklaruar paraprakisht se ka nisur nje hetim per kete veper penale pasi aktualisht ceshtja eshte ne proces verifikimi dhe per baze jane marre vetem faktet e publikuara ne media. Deri ne marrjen e vendimit per te hapur nje hetim te mirefillte do te shqyrtohen te gjitha rrethanat ne te cilat ne ate territor eshte kryer nje ndertim. Gjithashtu prokuroria po verifikon edhe akuzat e bera nga organizata Omonia per djegien e kurorave me lule qe u vendosen te dielen ne memorialin pa leje per ushtarin grek ne varrezen e vjeter te Boboshtices.
Nga ana tjeter Policia e Korces ka konfirmuar dje se nuk ka nisur asnje hetim per dhunimin e varreve. Zyrtare te larte te policise se Korces u justifikuan dje me mungesen e nje denoncimi per kete ceshtje. Nderkohe nje oficer policie tha se verifikimi i situates kishte qene i pamundur pasi kryeplaku i Boboshtices nuk ndodhej ne fshat.
Venia ne levizje e Prokurorise se Korces per te verifikuar dhunimin e varreve ne Boboshtice eshte pershendetur dje nga Partia per Drejtesi dhe Unitet. Me ane te nje deklarate per shtyp Partia Drejtesi dhe Unitet pershendeti nisjen e hetimeve per zbardhjen e skandalit te zhvarrimit te eshtrave te shqiptareve ne fshatin Boboshtice te Korces. PDU vlereson se ky hetim duhet te kishte nisur qe ne castin e pare qe u be publik skandali dhe u ben thirrje autoriteteve qe te mos e ndalin hetimin deri ne zbardhjen perfundimtare te ngjarjes thuhet ne deklarate. Sipas PDU-se prokuroria duhet te vendose perpara pergjegjesise autoret ne menyre qe te dekurajoje qe akte te tilla te perseriten. PDU i ben thirrje Prokurorise se Korces qe te kryeje nje hetim te thelluar deri ne zbardhjen e skandalit.