Prokuroria rikalon ne site provat e dosjes "Gerdeci"

Per kater ore me radhe grupi hetimor qe po investigon dosjen "Gerdeci", eshte mbledhur dje per te diskutuar rreth provave materiale qe disponohen. Nje numer i madh dokumentacionesh te sekuestruara dhe urdhrash jane rivleresuar pas hetimit paraprak te organit te akuzes Tirane. Por burime nga prokuroria thane se eshte dhene urdher qe te kryhen rikonfiskim i materialeve ne te gjitha objektet qe kane pasur lidhje me ngjarjen qe ndodhi ne Gerdec me 15 mars te ketij viti. Oficere te Policise Gjyqesore jane caktuar per te mbledhur materiale te tjera ne ndermarrjen MEICO, Ministrine e Mbrojtjes, Shtabin e Pergjithshem, firmen "Alba Demil" dhe ato qe jane gjetur ne fabriken e demontimit. Ne krye te grupit hetimor eshte Drejtor i Drejtorise se Hetimit dhe Ndjekjes Penale, Zamir Shtylla. Mbledhja e radhes e kryer nga ana e grupit hetimor eshte bazuar ne shqyrtimin e te gjithe akteve te prokurorise ne lidhje me tragjedine e Gerdecit. Ne "siten" e prokurorise po shikohen te gjitha veprimet e kryera ne vendngjarje, deshmite e personave qe kane pasur dijeni per fabriken e demontimit ne Gerdec, deshmi te zyrtareve te ministrise, e te te mbijetuarve. Nderkohe qe ne site do te kalojne ne shqyrtim edhe pozicionin e ish ministrit te Mbrojtjes, Fatmir Mediu. Burime nga Prokuroria e Pergjithshme kane bere te ditur se te gjitha veprimet e Prokurorise se Tiranes do te vleresohen me imtesi per te vazhduar me pas edhe hetimet e tjera. Aktualisht grupi i investigimit i ka mbeshtetur veprimet ne verifikim te akteve rreth akuzave te "shperdorimit te detyres" e "shkeljes se rregullave". Mesohet se eshte diskutuar gjithashtu per shkaqet e shperthimit ne fabrike, ku pervec administrimit te deshmive nga te mbijetuarit e shperthimit, grupi hetimor po perpiqet qe te zbuloje te verteten.