Prokuroria, shkrese zyrtare Kuvendit: Duam imunitetin e deputetit Neranxi

Prokuroria e Pergjithshme dorezon ne Kuvend, kerkesen per heqjen e imunitetit te deputetit te Levizjes Socialiste per Integrim, Nikollaq Neranxi. Kerkesa per heqjen e imunitetit u be nje vit pasi organet tatimore, denoncuan ne Prokurorine e Tiranes deputetin opozitar. Nje kerkese e tille drejtuar Kuvendit te Shqiperise nen firmen e prokurores se Pergjithshme, Ina Rama, eshte e para ndaj nje deputeti opozitar. Burime prane protokollit te kryesise se Kuvendit bene te ditur se dje eshte paraqitur nje shkrese zyrtare nga Prokuroria e Pergjithshme, per heqjen e imunitetit te deputetit Neranxi pas hetimeve te prokuroreve. Kerkesa e protokolluar tashme, per te ndjekur rrugen e saj ligjore, per t'u diskutuar ne Komisionin parlamentar te Rregullores dhe Mandatit, qe kryesohet nga kryetarja e Kuvendit te Shqiperise, Jozefina Topalli. Pas marrjes ne shqyrtim, komisioni do te paraqese nje relacion qe do t'i paraqitet parlamentit per t'u hedhur ne vote, heqja ose jo e imunititetit. Hetime te prokurorise kane zbuluar shkelje te deputetit te LSI, qe besohet te kapin shifren e rreth 136 milione lekeve, dem ndaj shtetit shqiptar. Kalimi i mallrave ne dogane pa i deklaruar, u zbulua fillimisht nga tatimet, te cilat i referohen vitit 2004-2005 per abuzime edhe te vete doganiereve ne kete ceshtje. Por Task-Force e kryeqytetit pasi pa, se ne kete ceshtje u dyshua si i implikuar edhe nje person me imunitet e percolli menjehere dosjen per moskompetence ne organin qendror te akuzes. Kerkesa e heqjes se imunitetit nga Prokuroria e Pergjithshme, eshte e pesta per kete legjislature dhe motivet jane nga me te ndryshmet.

Neranxi: Sulmi, sepse denoncova korrupsionin qeveritar te Bodes

Deputeti i Levizjes Socialiste per Integrim, Nikollaq Neranxi, reagoi dje se akuza e ngritur ndaj tij, nga Prokuroria e Pergjithshme eshte nje sulm i paster politik, per shkak te denoncimit prej tij te korrupsionit qeveritar. "Kjo eshte nje lufte politike, qe mund te kete nje kosto financiare per biznesin e familjes sime. Une, me prova dhe fakte kam denoncuar korrupsionin, vjedhjen e pronave dhe evazionin fiskal, ku jane perfshire lidhjet nepotike te Ridvan Bodes. Por ky skenar politik, do te mbetet nje leter e zhubrosur per ata qe e ideuan", reagoi Neranxi.