Rama: "Gerdeci", plaga qe s'duhet harruar

Kryetari i Partise Socialiste, Edi Rama, ka vijuar diten e djeshme rrugetimin ne kryeqytet, sebashku me vullnetaret socialiste per te sensibilizuar qytetaret, per pjesemarrjen ne mitingun qe do te zhvillohet mbi perkujtimin e 1-vjetorit te tragjedise se Gerdecit. "Kjo plage e hapur ne trupin e shoqerise shqiptare nje vit me pare, ka nevoje te perkujtohet, ne menyre qe te mos harrohet e te mos perseritet me kurre", apeloi Rama ndaj qytetareve. Ndalesa e tij e radhes ishte ne bllokun "Mine Peza" ne kryeqytet, ku tregtaret jane ankuar per shitje te pakta, ndersa qytetaret per propaganden e qeverise dhe realitetin me te cilin perballen. Gjate ndalesave te tij dere me dere, duke shperndare personalisht ftesat per kete miting, kryesocialisti u ndesh edhe me ankesat e banoreve. "U bene dy muaj, qe pas Vitit te Ri qe ka rene puna, s'kemi fare. Po rrime. Ca t'i bejme?", u ankua nje biznesmen i zones. Sipas Rames, ky eshte vendi yne dhe ne mund ta ndryshojme po te bashkohemi te gjithe bashke. "T'i leme politikanet, ne sherret dhe dasite per interesat e tyre dhe te bejme nje bashkim te madh qytetaresh. Ne 15 mars, ora 18:00, ne sheshin "Skenderbej". T'i japim fuqi ndryshimit, duke u bashkuar pertej sherreve, pertej se kaluares, qe vazhdon te na mbaj peng me duart e politikaneve", drejtoi thirrjen lideri socialist. Ndryshe sipas kryetarit te Partise Socialiste, do te mbetemi peng i nje grushti politikanesh, qe per interesat e tyre, na kane percare per vite me radhe.