Pronat, PD kerkon ndjese

Rozeta Rapushi
Numri dy i qeverise, Gazmend Oketa, mbrojti dje, ne Komisionin e Integrimit, Strategjine Kombetare per zhvillim dhe integrim te qeverise, duke pranuar problemet e medha ne ceshtjen e prones, turizmit dhe luften kunder korrupsionit. Oketa premtoi para komisionit se prioritetet kryesore te Shqiperise jane arritja e statusit te kandidatit per anetaresim ne Bashkimin Evropian dhe anetaresim ne NATO. Por, per te arritur keto dy objektiva, qeveria duhet te realizoje, sipas tij, shume procese, si zgjidhja e ceshtjes se pronave, reforma ekonomike, permiresim i statusit te sherbimit civil, infrastruktures dhe sistemit arsimor. “Kjo strategji eshte permbledhje e te gjitha strategjive sektoriale dhe ndersektoriale, qe pasqyron prioritetet kryesore afatmesme dhe afatgjata te qeverise”, tha Oketa. Ne permbledhjen e bere para komisionit te dokumentit prej 114 faqesh, zv/kryeministri pranoi ne gati 3 vjet qeverisje reforma e prones nuk ka levizur pothuajse fare dhe kjo pranohet dhe ne dokumentin e strategjise kombetare, ku shtohet se shume pune duhet dhe per reformen ne drejtesi. Ne dokumentin e qeverise, thuhet se ndryshimet ligjore, por edhe kufizimi i imunitetit te gjyqtareve, jane te domosdoshme per kete reforme.
Oketa vleresoi arritjet e bera deri me sot ne reformen ne drejtesi dhe konsensusin e arritur mes partive politike, duke uruar te njejtin fat edhe per reformen zgjedhore. Ceshtja me shqetesuese ne dokumentin e qeverise eshte ajo e pronave. Ne strategji thuhet se ne procesin e kthimit, kompensimit dhe regjistrimit te pronave ka ende shume probleme. Nder te cilat, ai permend konfliktet me pronaret e vjeter para 1945, mosperfundimi i regjistrimit te pare te pronave te paluajtshme, sidomos ne qytetet kryesore dhe zonat bregdetare, si dhe procedurat e nderlikuara. Qeveria premton ne strategji, se do e kete prioritet te rendesishem zgjidhjen e ceshtjes se prones, si dhe do te perfundoje kthimin dhe kompensimin, por edhe regjistrimin e pronave.
Per sa i perket reformes ne drejtesi e luftes kunder korrupsionit, ekzekutivi sugjeron permiresimin teresor te sistemit gjyqesor, si dhe kufizimin e imunitetit te gjyqtareve e zyrtareve te larte te shtetit. Nder detyrat qe duhen bere se shpejti renditet edhe garantimi dhe balanca ndermjet pushteteve, me synim rritjen e pavaresise se gjyqesorit ne dhenien e drejtesise. Propozim qe eshte bere dhe nga nenkryetari i Keshillit te Larte te Drejtesise, Kreshnik Spahiu. Pavaresisht kesaj, strategjia permend edhe ndryshimet qe do te behen ne funksionimin e administrates shteterore, si dhe thekson prioritetet e Shqiperise qe jane anetaresimi ne strukturat euroatlantike. Dokumenti i qeverise do te diskutohet ne te gjithe komisionet ne menyre qe te votohet me konsensus.
Pronat
“Rritjen ekonomike po e pengon paqartesia ne lidhje me te drejten e pronesise. Jane bere perpjekje per t’i ndare te drejtat e perdorimit te pronave publike midis pushtetit qendror dhe atij vendor. Megjithate, ka ende probleme. Nuk ka perfunduar regjistrimi i pare i pronave te paluajtshme, shitblerjet dhe ndertimet vazhdojne te behen pa leje dhe ka shume ceshtje te pazgjidhura”.
Antikorrupsioni
“Ne rastin e sistemit te drejtesise, disa nga problemet me shqetesuese lidhen me transparencen e ulet te proceseve penale dhe civile te drejtesise. Mungon transparenca dhe ka procedura jo objektive ne emerimin e gjyqtareve e prokuroreve. Ka mangesi ne status e pagat e uleta te stafit administrativ te gjykatave. Prioritet eshte parandalimi i korrupsionit e me shume transparence”.
Prioritetet
Ne strategjine kombetare per zhvillim dhe integrim te qeverise theksohet se prioritetet e Shqiperise jane arritja e statusit te kandidatit per anetaresimin ne Bashkimin Evropian, zbatimi i Marreveshjes per Stabilizim-Asocimit, si dhe anetaresimi ne NATO. Per arritjen e ketyre objektivave, qeveria duhet te realizoje nje sere reformash.