Pronat, hektaret e pare per kompensim
Rozeta Rapushi
Nje siperfaqe prej 27.070 m2 toke, shkon ne dispozicion te Agjencise se Kthimit dhe Kompensimit te Pronave, per kthimin fizik te pronareve te ligjshem te tokave. Keshilli i Ministrave vendosi gjate mbledhjes se djeshme, qe kete siperfaqe shesh, prone shteterore, te kaloje ne fondin e kompensimit fizik e te vihet ne dispozicion te Agjencise se Kthimit dhe Kompensimit te Pronave, ne perputhje me ligjin "Per kthimin dhe kompensimin e prones", te ndryshuar. Sipas vendimit te qeverise, Agjencia e Kthimit dhe Kompensimit te Pronave, pasi ben verifikimin perfundimtar te pronesise se truallit, per fondin e mesiperm, e perdore ate per kompensimin e pronareve, sipas kritereve te percaktuara ne ligj. Per zbatimin e ketij vendimi, do te angazhohet menjehere Ministria e Financave dhe Agjencia e Kthimit dhe Kompensimit te Pronave. Vendimi i miratuar ne mbledhjen e djeshme te qeverise, per kalimin e nje siperfaqeje prone shteterore ne fondin e kompensimit fizik, u morr dje ne baze te ligjit "Per kthimin dhe kompensimin e prones", te ndryshuar dhe atij "Per pronat e paluajtshme te shtetit". Vendimi vjen ne nje kohe, kur ende nuk ka nisur kthimi fizik i pronave per pronaret. Aktualisht cdo vit, Agjencia per Kthimin dhe Kompensimin e Pronave eshte duke kompensuar ne vlere monetare pronaret e tokave ne baze te ligjeve ne fuqi me parate e buxhetit te shtetit. Pak kohe me pare, me miratimin ne Kuvend te ligjit per krijimin e fondit special te kompensimit te pronave, tashme nuk ka me rrezik qe te digjen as fondet e percaktuara nga shteti per pronaret. Sipas Kryetarit te Agjencise se Kthimit dhe Kompensimit te Pronave, Elvis Cefa, eliminohet perfundimisht frika e djegies se fondeve ne fund te vitit buxhetor. Me kete ligj fondet qe nuk perdoren brenda vitit kalendarik vazhdojne dhe akumulohen ne fondin special te Kompensimit te Pronave dhe ben te mundur per Agjencine e Kthimit dhe Kompensimit te Pronave, perdorimin ne cdo kohe te ketyre fondeve pa asnje lloj kufizimi. Ne baze te ligjit, nga fondi special qe krijohet per kompensimin e pronareve, do te perfitojne te gjithe ata pronare qe kane fituar te drejten per shperblim ne baze te ligjit si dhe cdo subjekt i shpronesuar qe i njihet e drejta e kompensimit te prones. E vecanta e ketij ligji, qendron ne faktin qe per krijimin e fondit special te pronave, do te mblidhen para nga nje sere burimesh. Burimet per kompensimin e pronave jane te ardhurat qe vijne nga buxheti i shtetit, per kompensimin e subjekteve te shpronesuara sipas ligjit per kthimin dhe kompensimin e pronave.