Sherbimi shendetesor, bluzat e bardha nisin testin

Sonila Isaku
Mjeket, farmacistet dhe stomatologet, kane hyre dje ne fazen zyrtare per testimin e njohurive te tyre. Per te rimarre vendin e punes bluzat e bardha duhet te plotesojne 150 kriedite dhe gjate 5 vjeteve per te permbushur edukimin ne vazhdim, ne te kunder ata do t'i nenshtrohen provimit per te testuar dijet. Nese gjate testimit disa nuk marrin vleresimin e duhur per te plotesuar kreditit, per ata do te kete masa administrative te cilat parashikohen ne kontraten e punes. Dhe nese kjo mase perseritet per te njejten arsye, atehere ata duhet te lene vendin e punes.
Testimi
Pavaresisht se kane vite qe punojne si mjeke dhe shume prej tyre jane te njohur ne shendetesi, te gjithe do t'i nenshtrohen testimit. Nuk do te jete provim me shkrim, por duhet te grumbullojne rreth 150 kredite te cilat do te sigurohen nga oret e punes, nga trajnimet apo dhe konferencat mjekesore. Ne rast se keto kredite nuk mblidhen, mjeket do te duhet te lene vendin e tyre te punes, pasi kontratat do te nderpriten. "Formimi i vazhdueshem i personelit, eshte nje nder elementet kyc qe ndikon ne rritjen e cilesise se sherbimeve te kujdesit shendetesor per popullaten. Krahas mekanizmave dhe sanksioneve jane menduar edhe masa promovuese. Per mjeket e kujdesit paresor, ata qe do te permbushin kriteret eshte parashikuar nje bonus"-tha Entela Shehu, drejtoreshe e Qendres se Certifikimit. Presidenti i Urdhrit te Mjekut e cileson testimin, si nje hap qe do te ndihmoje drejt cilesise se sherbimit qe ofrohet ne spitalet e vendit. "Qe te mos kete korrupsion duhet nje sistem i reformuar, nje sistem i mire organizuar, nje sistem ku ka kerkese llogarie sipas hierarkise nga lart-poshte. Nuk ka vend per mjeke te korruptuar. Nuk ka vend per mjeke te pamotivuar ne profesionin e tyre", tha Din Abazaj, president i Urdhrit te mjekut. Aktualisht jane rreth 6 mije mjeke qe jane regjistruar per t'iu nenshtruar procesit te certifikimit te punes se tyre.
Ndeshkimet
Ne rastet kur profesionisti nuk ploteson numrin e krediteve per secilin vit kalendarik, ose numrin e pergjithshem prej 150 kreditesh ne 5 vjet, atehere vleresohet se profesionisti nuk ka permbushur kerkesat e programit te ricertifikimit bazuar ne ndjekjen e aktiviteteve te edukimit ne vazhdim dhe duhet t'u nenshtrohet sanksioneve. Ata qe nuk arrijne te mbledhin numrin e pergjithshem prej 150 kreditesh per ciklin e pare te programit te ricertifikimit deri ne 31 dhjetor 2014, ose numrin e pergjithshem prej 250 kreditesh per ciklet pasuese, do t'i nenshtrohen nje provimi njohurish dhe kompetencash. Profesionistet, te cilet deshtojne ne provimin e pare ose per arsye te ndryshme, nuk i nenshtrohen atij, kane mundesine qe brenda 6 muajsh nga perfundimi i ciklit te programit te ricertifikimit t'i nenshtrohen nje provimi te dyte. Shpenzimet per kryerjen e testit mbulohen nga vete profesionisti. Ne rastet kur profesionisti deshton edhe ne provimin e dyte ose nuk i nenshtrohet atij, atehere atij mund t'i pezullohet kontrata me institucionin ku eshte punesuar deri ne momentin e kalimit me sukses te provimit.
Vasili: Te gjithe mjeket ne provim
Mjeket, farmacistet dhe stomatologet, do t'i nenshtrohen provimeve te shtetit. Nje here ne 5 vjet bluzat e bardha do te certifikojne njohurite e tyre profesionale. Ketij testimi do t'i nenshtrohen te gjithe, qe nga mjeku me i ri e deri tek ai me i vjetri, ne shtet apo privat. Nese nuk arrihen piket e keruara pasi bluzat e bardha i nenshtrohen provimit, nota e testit me shkrim percakton vazhdimesine ne pune. Sipas ministrit te Shendetesise, ky proces do te beje seleksionimin e mjekeve sipas merites dhe aftesise se tyre. Testimi i mjekeve per aftesite dhe njohurite, do te behet nga profesoret me te mire te Fakultetit te Mjekesise dhe institucioni i Urdhrit te Mjekut.
Si duhet te plotesohen ne afate kohore
Sipas dokumentit rregullator, programi i ricertifikimit do te organizohet ne cikle 5-vjecare, ku cikli i pare fillon ne janar 2010 dhe perfundon ne dhjetor 2014. Ne ciklin e pare te programit te ricertifikimit profesionistet e perfshire ne kete program duhet te mbledhin nje numer jo me te vogel se 150 kredite ne 5 vjet, sipas 10 kritereve dhe procedurave te paraqitura ne kete dokument. Ne ciklet qe vijojne numri i krediteve te detyrueshme per t'u mbledhur brenda ciklit pesevjecar do te jete 250. Profesionistet e regjistruar ne programin e ricertifikimit duhet te mbledhin nje numer jo me te vogel se 150 kredite ne 5 vitet e ciklit te pare te programit te ricertifikimit. Profesionistet e perfshire ne kete program duhet te mbledhin te pakten 50% te krediteve te rekomanduara per secilin vit kalendarik, me kusht qe brenda ciklit te pare 5-vjecar te programit te plotesohet numri i pergjithshem prej 150 kreditesh. Ne rast se kalohet numri i rekomanduar i krediteve te nje ose me shume viteve kalendarike te ciklit, mund t'i transferojne keto kredite ne vitet pasardhese te te njejtit cikel. Ne ciklin e dyte dhe ne ciklet e tjera te programit te ricertifikimit numri total i krediteve te kerkuara eshte 250 ne fund te ciklit pesevjecar. Numri i krediteve eshte 50 ne vit dhe numri minimal i detyrueshem eshte 30 kredite ne vit. Profesionistet jane te lire te transferojne kredite nga njeri vit kalendarik ne tjetrin brenda secilit cikel, me kusht qe te plotesojne numrin minimal te detyrueshem te tyre per secilin vit dhe numrin total 250 kredite ne 5 vjet.