Pronat, kriteret dhe dokumentet per 6 milione usd

Percaktohen kriteret dhe dokumentet e nevojshem per ish – pronaret qe te perfitojne nga fondi prej 500 milione lekesh, i percaktuar per kompensimin financiar gjate vitit 2008. Burime nga Ministria e Drejtesise, bejne te ditur se ka perfunduar projektvendimi, i cili do te dergohet ne qeveri dhe vetem pasi te jete aprovuar aty do te zbatohet ne praktike. Pothuajse kriteret kane mbetur te pandryshuara ne krahasim me vitin 2007, pra edhe kete vit fituesit do te shpallen sipas dates se marrjes se vendimit nga ana e ish-komisioneve te pronave. Ne kete projektvendim percaktohet se “subjektet e shpronesuar, prona e te cileve eshte e njohur e gjitha per kompensim dhe qe nuk kane perfituar nga kompensimet e meparshme, te kompensohen, sipas radhes kronologjike te percaktuar nga numri i vendimit sipas viteve”. Nderkohe, edhe per kete vit, vlera maksimale e kompensimit do te jete deri ne 200 m2 te siperfaqes se percaktuar per kompensim, ne baze te cmimit te percaktuar ne harten e vleres se miratuar, sipas vendndodhjen se prones qe kompensohet.
Subjekti i shpronesuar qe do te perfitoje nga ky fond, duhet te deklaroje doreheqjen nga e drejta e parablerjes per sasine e kompensuar, ne rast se ai shpallet fitues ne kete aplikim. Duhet te plotesoje nje deklarate, qe nuk ka fituar kompensim ne asnje nga format e parashikuara ne legjislacionin e meparshem apo ate aktual ne fuqi. Gjithashtu, ish-pronari nuk duhet te jete ne proces shqyrtimi te nje ankimi administrativ ne lidhje me pronen. Subjekti i shpronesuar nuk duhet te kete perfituar toke nga zbatimi i ligjit 7501 “Per token bujqesore”, si dhe duhet te dorezoje prokuren e posacme te rinovuar te vitit 2008 te nenshkruar nga te gjithe trashegimtaret e ligjshem. Nga ndarja e ketij fondi do te perfitojne ata ish-pronare, qe nuk kane marre nje vendim nga komisionet vendore per kthim fizik. Nga shperndarja e ketij fondi do te perfitojne te gjitha subjektet e shpronesuara, prona e te cileve eshte e njohur e gjitha per kompensim, pra ne vendimet e komisioneve vendore nuk ka te shprehur per asnje meter katror kthim fizik.
Ashtu si vitin e kaluar, subjektet e shpronesuara, pavaresisht se ku jetojne, do te dorezojne prane Drejtorise se Kompensimit ne AKKP, kerkesen e tyre per te perfituar kompensim ne te holla. Procesi i regjistrimit/pranimit te kerkesave per kompensim do te filloje 5 dite pas dates se hyrjes ne fuqi te ketij projektvendimi dhe vazhdon per 20 dite. Nderkohe, mesohet se ky afat mund te zgjatet ne kohe, ne rast se do te kete fluks kerkesash nga ana e subjekteve te shpronesuara. Ligji i ndryshuar per kthimin dhe kompensimin e pronave percakton se fondi per kompensimin financiar te subjekteve te shpronesuara duhet te shperndahet brenda 6-mujorit te pare te vitit. Duket se kete vit ndryshe nga te tjeret pas miratimit te hartes se vleres se prones per te gjithe vendin, AKKP-ja po merr masa per te pergatitur kuadrin e nevojshem ligjor, ne menyre qe te perballohet fluksi i kerkesave qe mendohet te jete i madh.
Aplikuesit e vjeter, nuk do paguajne para
Asnje prej subjekteve te shpronesuara, qe kane depozituar kerkesat e tyre per te perfituar nga kompensimi financiar ne vitet 2006 dhe 2007 dhe vertetojne kryerjen e pageses, nuk paguajne tarifen e aplikimit per vitin 2008. Ashtu si vitin e kaluar, Agjencia e Pronave ka lene serish ne fuqi kete kriter per te mos detyruar pronaret qe te paguajne para. Mendohet se edhe kete tarifa do te jete e njejte me vitet e kaluara, pra rreth 2 mije leke. Subjektet, qe do te futen ne kete gare per te perfituar nga fondi prej 500 milione lekesh per kompensimin financiar, duhet te kene nje llogari bankare per te marre shumen perkatese per pronen qe iu eshte marre.
Fondi, vjet perfituan 117 pronare
Plot 117 pronare u shpallen fitues te fondit prej 500 milione lekesh, i percaktuar per kompensimin financiar te vitit 2007. Vjet per te perfituar nga ky fondi aplikuan 469 pronareve nga 6 qarqe dhe 3 qytete, te cilet ishin pajisur me harten e vleres se prones. Nderkohe pas shqyrtimit te dokumenteve te dorezuara si dhe afateve per marrjen e vendimeve per cdo pronare nga kjo perzgjedhje jane skualifikuar 352 subjekte, duke u shpallur fitues vetem 117. Ashtu edhe sic ishte parashikuar, serish qyteti i Tiranes kishte edhe pjesen me te madhe te pronareve qe perfituan nga ky fond. Keshtu, plot 37 pronare te kryeqytetit fituan, te ndjekur nga 32 pronare te Qarkut te Korces, 18 ne Qarkun e Lezhes si dhe 14 ne qytetin e Vlores. Pikerisht sipas kesaj linje eshte ndjekur edhe shperndarja e fondeve, pra Tirana ka pasur pjesen me te madhe e ndjekur nga qytetet e tjera.
Deklarimet e rreme, do perjashtohen nga procesi
Te gjithe subjektet e shpronesuara qe kryejne deklarate te rreme per te perfituar kompensimin financiar per vitin 2008 do te perjashtohen nga procesi i perzgjedhjes. Agjencia e Kthimit dhe Kompensimit te Pronave ne kriteret e vendosura per ndarjen e parave per kompensimin financiar te ish-pronareve, ka vendosur edhe kete rregull per te mos pasur abuzime nga ana e subjekteve. Nderkohe, pas plotesimit te dokumentacionit te kerkuar nga AKKP-ja, subjekti i shpronesuar do te pajiset me vertetimin perkates dhe numrin e protokollit. Sipas projektvendimit, kete vit Agjencite Rajonale te Kthimit dhe Kompensimit te Pronave do te marrin informacion edhe nga Sektori i Administrimit dhe Menaxhimit te Tokes ne Qarqe perfitimin e mundshem te tokes bujqesore sipas ligjit 7501 “Per Token”. Nderkohe do te verifikohen edhe ne Data-base te gjitha vendimet per kete subjekt me qellim identifikimin e vendimeve per kthim dhe kompensim te ketij subjekti. Pas ketyre etapave do te kryhen verifikime ne terren per gjendjen e prones se pretenduar.
Dokumentet qe duhet te dorezohen:
Vendimin e Komisionit te Kthimit dhe Kompensimit te Pronave per njohjen dhe
kompensimin e prones
Deshmine e trashegimise
Prokuren e posacme, te rinovuar dhe te nenshkruar nga te gjithe trashegimtaret e
ligjshem te prones (prokure e rinovuar ne vitin 2007)
Fotokopjen e noterizuar te dokumentit te identifikimit (pasaporte, certifikate ose leternjoftim) te personit, qe ka prokuren e perfaqesimit
Mandatpagesen
Cfare duhet te deklaroje ish-pronari:
Kerkese
Doreheqja nga e drejta e parablerjes per sasine e kompensuar, ne rast se ai shpallet fitues ne kete aplikim
Nuk ka fituar nga kompensimet e meparshme ne asnje nga format e parashikuara ne legjislacionin e meparshem apo ate aktual ne fuqi
Nuk eshte ne proces gjyqesor apo proces shqyrtimi te nje ankimi administrativ, ne lidhje me pronen objekt kompensimi
Nuk ka perfituar toke nga zbatimi i ligjit 7501