Protestat në Siri, 37 të vrarë
Të paktën 37 persona u vranë, gjatë 170 protestave që u zhvilluan në të gjithë Sirinë gjatë fundjavës.
Shumë prej viktimave janë nga qyteti Homs dhe Hama, ku protestuesit kërkuan krijimin e zonës së ndalim-fluturimit dhe mbrojtje nga NATO, misioni i të cilës luajti një rol vital në Libi për të rrëzuar ish-udhëheqësin Muammar Gaddafi.
Në total, mbi 3000 persona kanë humbur jetën, gjatë protestave që nisën në mars.
Një delegacion i Ligës Arabe dënoi vrasjen e vazhdueshme të civilëve dhe i bëri thirrje presidentit Baschar al-Assad që të angazhohet për mbrojtjen e tyre.