Provimi i Inxhinierise, publikohet programi Luljeta Ndoka
Agjencia Kombetare e Provimeve publikon programin e vlefshem per provimin e shtetit ne profesionin e Inxhinierise gjeodete. Dhenia e ketij provimi eshte kusht per te diplomuarit e kesaj dege, pasi hyn te 10 profesionet e rregulluara me ligj. Nderkaq, mesohet se rrezikohet hyrja e kesaj kategorie ne provim, pasi ende nuk ka nje urdher inxhinieresh, qe eshte njeri prej kritereve kryesore. Nga ana tjeter, studentet kane edhe nje dite kohe qe te regjistrohen per te dhene Provimin e Shtetit. Sipas ligjit, te gjithe studentet qe do te diplomohen rishtazi ne profesione te tilla si mjekesi, stomatologji, infermieri, mesuesi, etj; do te duhet paraprakisht te kalojne nepermjet nje provimi te posacem, me ane te te cilit, ata do te licencohen per ushtrimin e profesionit. Do te jete pikerisht ky provim qe do t'u jape studenteve te ketyre profileve, titullin e profesionit, si mjek, mesues, infermier, etj. Marrja e licences do te jete kusht per te gjithe studentet qe do te diplomohen duke filluar nga ky vit akademik. Sipas rregullores, provimet do te behen dy here ne vit, ne periudha te ndryshme. Keshtu, studentet do te testohen sipas profileve te tyre, nga java e pare e majit deri ne javen e trete te ketij muaji, si dhe nga java e trete e nentorit deri ne javen e dyte te dhjetorit. Tre jane kushtet themelore per te marre pjese te provim. Fillimisht, studenti duhet te kete marre diplomen e fakultetit. Pas kesaj, eshte e domosdoshme qe te kete bere praktiken prane nje profesionisti qe ushtron profesionin prej jo me pak se tre vitesh, si dhe te jete i anetaresuar prane nje Urdhri Profesional. Per shembull, nje student i infermierise duhet te jete i anetaresuar prane Urdhrit te Infermierit. Studentet kane te drejte te marrin pjese per pese here me radhe ne provim. Nese pas pese heresh pjesemarrje, ata perseri nuk marrin note pozitive, nuk kane me te drejte te testohen. Nota vleresuese pozitive fillon nga pesa deri tek dhjeta. Organizimi i provimeve do te behet ne grupe, sipas profileve dhe te gjithe ato, do te hyjne ne te njejten dite dhe ne te njejten ore.