Prurjet maksimale shkarkimet vazhdojne

Sipas te dhenave me te fundit te Korporates Elektroenergjetike Shqiptare ne liqenin e Fierzes prurjet e ujit kane arritur ne mesdite ne 1600 meter kub ne sekonde. Niveli i ujit ne hidrocentralin me te madh ne vend ndodhet ne piken kritike 290.85 meter dhe vijon te rritet me 2 centimeter ne ore.

KESH po shkarkon nga Fierza permes portave dhe turbinave te prodhimit 1070 meter kub uje ne sekonde. Ne liqenin e dyte te kaskades ate te Komanit kuota eshte 169.87 meter. Prurjet qe vijne nga Fierza por edhe ato anesore ne kete hidrocentral arrijne ne 1660 meter kub uje ne sekonde dhe korporata po shkarkon 1844 meter kub ne sekonde. Ne piken fundore te kaskades hidrocentralin e Vaut te Dejes kuota e ujit eshte 73.57 meter mbi nivelin e detit. Sasia e prurjeve anesore dhe ato qe vijne nga Komani jane 2440 meter kub uje ne sekonde.

Nga ky hidrocentral KESH po shkarkon aktualisht 2167 meter kub uje ne sekonde permes portave por edhe agregateve te prodhimit. Ndonese shkarkimet jane pak me te uleta se dy dite me pare kur arriten ne gati 3 mije metra ato mbeten serish nder me te lartat.

Kjo sasi prurjesh por edhe parashikimet jo optimiste te motit per javet ne vijim paralajmerojne se permbytjet ne zonen e Nenshkodres do te jene kete here me agresive por edhe me te zgjatura ne kohe nga ato te kaluarat. Ekspertet e KESH shpresojne qe prurjet anesore ne hidrocentrale sidomos ate te Vaut te Dejes te mos rriten me shume pasi nese do te kemi serish nje situate si ajo e tre diteve me pare kur ato arriten deri ne 4 mije meter kub uje ne sekonde Korporata do te detyrohet ti shkarkoje te gjitha dhe permbytjet do te jene edhe me te medha.