Puç drejtësie...?!
Gjykata kushtetuese turke fillon sot në Ankara me marrjen në pyetje lidhur me kërkesën e prokurorisë për ndalimin e veprimtarisë së partisë qeveritare AKP. AKP-ja e quan procedurën në gjykatën më të lartë “puç të drejtësisë”.
Për prokurorin e përgjithshëm turk, Abdurrahamn Jalçinkaja (Abdurrahman Yalcinkaya) çështja është e qartë: Partia qeveritare për zhvillim dhe drejtësi, AKP, përbën një rrezik për rendin sekular të vendit që nga koha e Ataturkut. Partia qeveritare, e cila fillimisht para një viti fitoi zgjedhjet me një përqindje të lartë prej 47 për qind të votave, angazhohet për një vend islamik, mendon Jalçinkaja, andaj dhe duhet të ndalohet.
Ndalim i veprimtarisë politike të Erdoganit
Në fjalën që mban në Gjykatën Kushtetuese sot, Jalçinkaja do të kërkojë edhe ndalimin e përjetshëm të veprimtarisë politike për Kryeministrin Rexhep Taip Erdogan dhe 70 zyrtarë të tjerë të AKP-së. Akuzat e tij prokurori i përgjithshëm do t'i forcojë kryesisht me citate të Erdoganit dhe shokëve të tij të partiakë, ku ata shprehen për parimet sekulare të shtetit.
Po ashtu ndalim-veprimtaria do të kërkohet edhe për regjisoren Ajshe Bëhyrler (Ayse Böhürler), bashkëthemeluese e AKP-së. Ajo akuzohet për disa deklarata të bëra në një debat televiziv: "Unë kam thënë në emision se mund ta paramendoj që një ditë edhe gjykatëset në Turqi të guxojnë të mbajnë shami koke. Unë akuzohem për këtë fjali. Për prokurorinë unë jam e dyshimtë, siç duket, shkaku i shamisë sime. Asnjëherë nuk jam shprehur publikisht kundër një ndarjeje prej shtetit dhe fesë në këtë vend - për shkak se unë mbështes këtë sistem. E tërë aktakuza është qesharake, saqë për momentin as që do të mbrohem".
Në aktpadi, AKP-ja si tërësi, para së gjithash, akuzohet për përpjekjen e heqjes së ndalimit të shamisë së kokës në shkollat e larta. Një ligj përkatës i miratuar në fillim të këtij viti ndërkohë është shfuqizuar nga Gjykata e Lartë Kushtetuese.
AKP-ja paraqitet me vetëbesim
Vetë AKP-ja nga ana e saj, e vlerëson padinë në gjykatën më të lartë turke si "puç të drejtësisë". Sipas saj, pas këtij aksioni që ka të bëjë me luftën për pushtet, qëndron kreu i ushtrisë turke. Në të vërtetë, është bërë e njohur që një prej gjykatësve është takuar disa herë me një gjeneral të lartë. Kryeministri Erdogan: "Ka një varg njerëzish të cilët që tani flasin për vendimin ende pa u marrë ai në Gjykatën Kushtetuese. Kështu, ata vetëm sa nxehin klimën politike. Një sjellje e tillë është e papërgjegjshme dhe nuk mund të kalojë tek populli. Çfarë besojnë ata? Ata janë që morën kartonin e kuq nga populli dhe u dërguan jashtë fushës së lojës. Atyre u them: Se kush do të qeverisë këtë vend, do të vendoset gjithmonë prej popullit!".
Të enjten me 3 korrik, partia qeveritare AKP do të ketë mundësinë që edhe një herë të mbrohet para gjykatës, ndërkaq, vendimi i gjykatës pritet nga fundi i këtij muaji. Në rast të një ndalimi të veprimtarisë, kreu i AKP-së planifikon themelimin e një partie të re. Zgjedhjet e reja të parakohshme në këtë rast do të ishin të pashmangshme.
Për prokurorin e përgjithshëm turk, Abdurrahamn Jalçinkaja (Abdurrahman Yalcinkaya) çështja është e qartë: Partia qeveritare për zhvillim dhe drejtësi, AKP, përbën një rrezik për rendin sekular të vendit që nga koha e Ataturkut. Partia qeveritare, e cila fillimisht para një viti fitoi zgjedhjet me një përqindje të lartë prej 47 për qind të votave, angazhohet për një vend islamik, mendon Jalçinkaja, andaj dhe duhet të ndalohet.
Ndalim i veprimtarisë politike të Erdoganit
Në fjalën që mban në Gjykatën Kushtetuese sot, Jalçinkaja do të kërkojë edhe ndalimin e përjetshëm të veprimtarisë politike për Kryeministrin Rexhep Taip Erdogan dhe 70 zyrtarë të tjerë të AKP-së. Akuzat e tij prokurori i përgjithshëm do t'i forcojë kryesisht me citate të Erdoganit dhe shokëve të tij të partiakë, ku ata shprehen për parimet sekulare të shtetit.
Po ashtu ndalim-veprimtaria do të kërkohet edhe për regjisoren Ajshe Bëhyrler (Ayse Böhürler), bashkëthemeluese e AKP-së. Ajo akuzohet për disa deklarata të bëra në një debat televiziv: "Unë kam thënë në emision se mund ta paramendoj që një ditë edhe gjykatëset në Turqi të guxojnë të mbajnë shami koke. Unë akuzohem për këtë fjali. Për prokurorinë unë jam e dyshimtë, siç duket, shkaku i shamisë sime. Asnjëherë nuk jam shprehur publikisht kundër një ndarjeje prej shtetit dhe fesë në këtë vend - për shkak se unë mbështes këtë sistem. E tërë aktakuza është qesharake, saqë për momentin as që do të mbrohem".
Në aktpadi, AKP-ja si tërësi, para së gjithash, akuzohet për përpjekjen e heqjes së ndalimit të shamisë së kokës në shkollat e larta. Një ligj përkatës i miratuar në fillim të këtij viti ndërkohë është shfuqizuar nga Gjykata e Lartë Kushtetuese.
AKP-ja paraqitet me vetëbesim
Vetë AKP-ja nga ana e saj, e vlerëson padinë në gjykatën më të lartë turke si "puç të drejtësisë". Sipas saj, pas këtij aksioni që ka të bëjë me luftën për pushtet, qëndron kreu i ushtrisë turke. Në të vërtetë, është bërë e njohur që një prej gjykatësve është takuar disa herë me një gjeneral të lartë. Kryeministri Erdogan: "Ka një varg njerëzish të cilët që tani flasin për vendimin ende pa u marrë ai në Gjykatën Kushtetuese. Kështu, ata vetëm sa nxehin klimën politike. Një sjellje e tillë është e papërgjegjshme dhe nuk mund të kalojë tek populli. Çfarë besojnë ata? Ata janë që morën kartonin e kuq nga populli dhe u dërguan jashtë fushës së lojës. Atyre u them: Se kush do të qeverisë këtë vend, do të vendoset gjithmonë prej popullit!".
Të enjten me 3 korrik, partia qeveritare AKP do të ketë mundësinë që edhe një herë të mbrohet para gjykatës, ndërkaq, vendimi i gjykatës pritet nga fundi i këtij muaji. Në rast të një ndalimi të veprimtarisë, kreu i AKP-së planifikon themelimin e një partie të re. Zgjedhjet e reja të parakohshme në këtë rast do të ishin të pashmangshme.