Pullë me Nënë Terezën në tre shtete
Për herë të parë, tre shtete do të emetojnë një pullë të njëjtë që do të qarkullojë në tre shtete.
Bëhet fjalë për pullën me emblemën e Nënë Terezës, e cila do të qarkullojë në Shqipëri, Maqedoni dhe Kosovë.
Për këtë qëllim, drejtuesit e postave të tre vendeve u takuan sot në Tiranë dhe firmosën një marrëveshje në fushën e shkëmbimeve reciproke dhe emetimit të pullës së Nënë Terezës.
Marrëveshja arrihet në kuader të kujtimit të humanistes së madhe me rastin e 100 vjetorit të lindjes. Ndërkohë që dita e sotme përkoi edhe me përvjetorin e 97-të të emetimit të parë të pullës së Postës Shqiptare.