Punësimi i mësuesit të akuzuar për pedofili, Xhixho dhe Kushi debatojnë në parlament

Rasti i punësimit të mësuesit të akuzuar për pedofili ishte në vemendje të seancës plenare të së enjtes. 
Deputetja e LSI Erisa Xhixho ngriti një sërë pyetjesh rreth çështjes së mësuesit  i cili u rikthye në detyrë edhe pse akuzuar për pedofili.
Ajo tha ndër të tjera se sistemi i përzgjedhës i mësuesve është korruptiv dhe krijon hapësira që njerëz të tillë të rrezikshëm të emërohen në detyrë. Ministrja sqaroi se gjykata nuk i hoqi atij të drejtën e ushtrimit të profesionit, ndërsa dënimi me kalimin e viteve u hoq edhe nga dëshmia e penalitetit të mësuesit. 
Ministrja e arsimit Kushi bëri të ditur se ka biseduar me ministrin e drejtësisë Ulsi Manja për të marrë një iniciativë ligjore që disa vepra të rënda penale të mos fshihen asnjëherë nga dëshmia e penalitetit.