Punonjësit e MPPT-së dhurojnë gjak për talasemikët

Gjaku është dhuruar në ambientet e ministrisë nga dhjetëra punonjës.

“është viti i tretë që ministria e Punëve Publike dhe Transportit i bashkohet kësaj fushate sensibilizuese, ku vetëm pak ditë më parë iu bashkua një tjetër nisme të Kryqit të Kuq Shqiptar, kontributit për të ndihmuar 100 fëmijë jetim”, bëri të ditur zyra e shtypit.

Dhurimit i gjakut shërben për të gjithë të sëmurët që vuajnë nga sëmundje të pashërueshme të gjakut siç është dhe talasemia. Në të gjithë Shqipërinë janë 380 fëmijë që vuajnë nga sëmundja e talasemisë dhe që kanë të domosdoshme të paktën një herë në muaj një flakon gjak.

Shumë shpejt kësaj fushate sensibilizuese do ti bashkohen edhe shume institucione të tjera në varësi të Ministrisë së Punëve Publike dhe Transportit.