Pusi i braktisur, gjendet nje kufome
Nje kufome e seksit mashkull, ende e paidentifikuar, eshte gjetur mbreme ne nje pus te braktisur ne fshatin Mal Shengjin, te rrethit te Lezhes. Dy adoleshente, qe kullosnin bagetine, kane ndier eren e rende dhe jane afruar te pusi, qe nuk perdorej prej kohesh. Ata kane hequr kapakun dhe kane dalluar ne nje thellesi prej afro 5 metrash nje kufome, qe pluskonte ne uje. Te tmerruar, ata kane braktisur bagetite dhe kane rendur ne fshat te njoftonin familjaret. Banoret e fshatit i kane telefonuar policise se Lezhes, e cila ka derguar ne vendin e ngjarjes nje grup ekspertesh. Uniformat blu kane bere rrethimin e zones, ndersa kane shtyre nxjerrjen e kufomes per ne oret e para te mengjesit te sotem, per arsye se brenda pusit nuk ka mundesi ndricimi. Gjithashtu hyrja ne pus eshte ngushtuar se tepermi per arsye te shembjeve te vazhdueshme te mureve rrethues. Ekspertet thane se nuk donin te rrezikonin humbjen e provave te mundshme, duke preferuar ndricimin natyral. Policia tha se pusi i perkiste nje banese te braktisur prej afro 15 vjetesh. Te dhenat paraprake jane teper te zbehta per te ndihmuar ne identifikimin e kufomes. Policia tha se kufoma eshte e seksit mashkull, por eshte ende shpejt per te dale me konkluzione te tjera. Kjo pasi ne siperfaqe te ujit ka vetem nje pjese te kokes dhe trupit, ndersa kembet dhe krahet nuk duken. Mengjesin e sotem se bashku me ekspertet e policise vendore, pritet te mberrijne edhe nje grup specialistesh nga Ministria e Brendshme. Kjo pasi pista hetimore per momentin eshte mjaft e gjere, duke perfshire si vrasjen, vetevrasjen ashtu edhe ndonje aksident te mundshem.
Ardian Bushi