Putin: SHBA pas protestave në Rusi

Kryeministri rus Vladimir Putin ka akuzuar Shtetet e Bashkuara se kanë nxitur protestat post-zgjedhore në Rusi.

Putin ka deklaruar se sekretarja amerikane e Shtetit Hillary Clinton “ngriti tonet për disa aktivistë opozitarë”.

“Ajo u dha atyre sinjalin, ata e morën këtë sinjal dhe nisën aktivitetin e tyre”, ka pohuar kryetari i Rusisë së Bashkuar.

Ai ka akuzuar protestuesit se po veprojnë në bashkëpunim me një skenar të mirënjohur dhe në bazë të interesave të tyre mercenare.

Kryeministri ka paralajmëruar personat që sipas tij punojnë për qeveritë e huaja për të influencuar në politikën ruse, se do të japin llogari.

Protestat kundër rezultatit elektoral vazhduan edhe gjatë orëve të vona të mbrëmjes së të mërkurës në qendër të Moskës.

Në zgjedhjet e së dielës, partia e Putin, Rusia e Bashkuar, fitoi mazhorancën por me një rënie të ndjeshme të elektoratit të saj.

Vëzhguesit ndërkombëtare renditën një sërë shkeljesh në këto zgjedhje, pavarësisht se i cilësuan si të mirë organizuara.

Nga ana e tij, Putin refuzoi të pranonte se partia e tij ishte më e humbura nga zgjedhjet e ditës së dielë, ndërsa e cilësoi si të zakonshme luhatjet në votime.