Putin nuk përjashton mundësinë të garojë për president

Kryeministri i Rusisë Vladimir Putin tha sot se ai nuk e përjashton mundësinë që të garojë për president në zgjedhjet e vitit 2012, një ditë pasi presidenti Dimitri Medvedev tha se ai së shpejti do ta bëjë publik qëndrimin e tij.

Putin ka thënë se as ai dhe as Medvedevi nuk e "përjashtojnë" mundësinë që të dy të garojnë për president bazuar mbi "realitetet e situatës aktuale dhe kohës së zgjedhjeve".