Pylli i Levanit ne flake, kapet i mituri autor

Fier- Nje zjarr i fuqishem ka rene paraditen e djeshme ne vendin e quajtur qyteza e aksionisteve ne Levan, rreth pese kilometra larg qytetit te Fierit. Bilanci ka qene 8 ha me peme dhe ullinj te shkrumbuar, ndersa punonjesit e zjarrfikeses kane pasur te veshtire depertimin me mjete deri ne vatrat e zjarrit qe dyshohet te jete i qellimshem. Per kete ngjarje policia arriti te shoqeronte nje 14-vjecar te dyshuar si autor, me inicialet O. H., banues ne Patos, qe akuzohet per "shkaterrim te prones me zjarr". Sipas burimeve zyrtare policore mesohet se flaket kane rene ne kodren e mbjelle me ullinj shume vjecar si dhe me peme. Ne vendngjarje kane shkuar dy automjete zjarrfikes, forca policore, e banore te zones, por nuk kane mundur dot qe te shuajne vatrat e zjarrit qe jane ndihmuar edhe nga era. Per shkak te terrenit te thyer, automjetet zjarrfikes nuk kane mundur dot qe te nderhyjne ne kohe, por jane futur mes vatrave te zjarrit per t'i shuar me dege pemesh te njoma. Flaket kane qene shume prane rruges nacionale Fier-Vlore, duke rrezikuar edhe drejtuesit e automjeteve. Forcat policore, banore te zones dhe pronare te siperfaqeve te tokes ku ra zjarri, jane perpjekur per te shuar zjarrin per tre ore me radhe. Nga flaket mesohet se jane shkrumbuar rreth 500 rrenje ullinj dhe shume drure te pyllit qe ndodhet ne kete koder. Policia po heton per nje zjarr te qellimshem dhe shoqeruan deri pasditen e djeshme te pakten dhjete persona, qe pasi u moren ne pyetje u lane te lire.

Xh.Beharaj

Precedenti

Vetem gjate dites se djeshme u shenuan pese zjarre brenda pak oreve ne vend, duke shkrumbuar dhjetera hektare. Flaket perfshine zonen afer burgut te Kosoves, spitalit te Lushnjes, ne Fier, Belsh te Elbasanit dhe godinen e "Mjaft" ne Tirane.