QKL dhe QKR më afër biznesit me filiale të reja

Qendrat e Liçencimit vijnë akoma më pranë sipërmarrësve të rinj, duke zgjeruar rrjetin e shërbimeve në qytetet kryesore të vendit. Falë një marrëveshje të arritur mes Qendrës Kombtëare të liçencimit dhe asaj të regjistrimit, rrjeti tashmë i ngritur i QKR-së do të vihet në dispozicion të qytetarëve edhe për dhnëien e liçencave. Për ministrin e Ekonomisë Prifti, ky është një hap përpara në përmirësimin e klimës së biznesit.
Një masë e tillë është përshëndetur edhe nga përfaqësues të USAID-it në vendin tonë, po ashtu edhe grupimet e biznesit. Korça, Shkodra dhe Vlora do të jenë qytetet e para, ku sportelet e QKR do të trajtojnë edhe aplikimet për liçencimet. Ministri Prifti ka siguruar se brenda këtij viti do të ngrihen edhe qendra të ngjashme liçencimi për sektorin e energjetikës dhe atë minerar.