QSUT, me pavijon per te alkoolizuarit
Nje mjek, nje psikolog, kater infermiere dhe nje kryeinfermiere do te jete ekipi qe do te perballet me te alkoolizuarit ne pavijonin me te ri te QSUT-se. "Godina e vendosur ne nje pjese te nderteses se vjeter te Spitalit Psikiatrik ka mbaruar se rikonstruktuari. Ajo eshte pajisur me mjetet e nevojshme, jane vene 12 shtreter dhe tashme pritet kompletimi i stafit", ka pohuar Alvi Bajramaj, zedhenesi i QSUT. Aktualisht, Drejtoria e QSUT po perzgjedh nje mjek, nga dy kandidate qe kane mbaruar specializimin ne Itali. Kjo klinike perben te parin sherbim alkoologjik te mirefillte ne vendin tone, pasi individet e varur nga alkooli nuk do te trajtohen vetem per crregullimet e tyre organike. Klinika e re do te ofroje nje sherbim afatgjate, ku do te kete kombinim te psikoterapise dhe terapise farmaceutike. Sipas te dhenave nga Instituti i Shendetit Publik rezulton se alkooli konsumohet nga rreth 350 mije shqiptare, prej te cileve 58 per qind e konsumojne tej mases se lejuar dhe 22 per qind jane te varur prej tij.