QSUT, pastrimi do te jepet me koncesion

Pas privatizimit te sherbimit te ushqimit, hotelerise, gjelberimit, kete vit i vjen radha nje tjeter sektori teknik, por teper te rendesishem per pacientet ne spital.

Deri ne fund te vitit 2009, qendra spitalore universitare “Nene Tereza” do te jape me koncesion sherbimin e pastrimit, per te gjithe spitalin. Ky eshte nje nga projektet me te rendesishme dhe me serioze qe jane planifikuar te realizohen brenda ketij viti, per te cilen angazhimin kryesor e ka marre drejtoresha e spitalit dhe sektori qe kujdeset per investimet ne sherbimet teknike.

Konkretisht, sherbimi i pastrimit per klinikat e spitalit, administraten, kirurgjine dhe pavijonet ne te cilat jane te shtruar pacientet mendohet t’i kaloje nje firme te specializuar, e cila eshte e afte te perballoje te gjithe fluksin e punes dhe kerkesat qe do te vendose komisioni i vleresimit te ofertave. 

Muaji prill do te shenoje dhe nisjen e punes per sa u takon vendosjes se kritereve, diskutimit te projektit jo vetem per dhenien me koncesion te pastrimit te spitalit, por ne te njejten kohe edhe per blerjet e tjera te medha.