Qeveria: Ja procedura e realizimit te reklamave e spoteve ne TV e ne media

Qeveria percaktoi dje procedura te reja per menyren e realizimit te reklamave per transmetim nga operatoret radiotelevizive ose ne botimet ne median e shkruar, duke i rikthyer ato tashme me konkurs. Me nje nisme te posacme, Keshilli i Ministrave vendosi realizimin e kontratave per procedurat e reklamave nga organet e administrates shteterore. Ne nismen ligjore, qe kaloi dje ne mbledhjen e qeverise, u vendos qe programi, reklamat apo spotet televizive duhet te bazohen ne fakte dhe te jene ne perputhje me interesat, shteterore dhe politike, te shtetit shqiptar dhe me rendin kushtetues ne Republiken e Shqiperise. "Programi, reklama dhe spoti nuk duhen te permbajne te dhena te rreme apo shqetesuese per shikuesit", theksohet ne vendim. I lihet ne dore titullarit te institucionit qe te urdheroje me shkrim blerjen, zhvillimin apo prodhimin e programeve te reklamave, transmetimin nga operatoret radiotelevizive ose botimin ne median e shkruar. Komisioni per ndjekjen e procedurave dhe hartimin e dokumenteve perbehet nga 5 anetare, tre prej te cileve specialiste te fushes. Ky komision do te merret me negociatat per realizimin e reklamave apo programeve. "Komisioni pret konfirmimin nga organet e masmedias/te agjencive te specializuara per vazhdimesine e negociatave, brenda afatit te fundit te paraqitur ne ftesen per negociata per kryerjen e programit, te reklames apo spotit, nga organet e masmedias/agjencite e specializuara", thuhet ne vendim. R.R

Publikimet

Qe ne muajt e pare te ardhjes se te djathteve ne pushtet, qeveria e drejtuar nga kryeministri Berisha vendosi disiplinimin e reklamave te institucioneve te shtetit, duke i permbledhur ato ne nje buletin periodik. Nderkohe qe korrektohet dhenia ne media, cka solli dhe reagimin e ashper te saj.