Qeveria pergatitet per mbrojtje ne Hage

Qeveria e Kosoves do te angazhoje eksperte vendore dhe nderkombetare per mbrojtjen e ligjshmerise se pavaresise se Kosoves ne GJND. Zyrtare te Ministrise se Puneve te Jashtme thone se jane ne perfundim te platformes, perderisa opozita shprehet skeptike. Perfaqesues te MPJ-se kane deklaruar se qeveria do te angazhoje eksperte nderkombetare dhe vendore, qe do ta prezantojne Kosoven para Gjykates Nderkombetare te Drejtesise. Vlora Citaku, zevendesministre e Puneve te Jashtme, nuk ka dhene shume detaje per platformen, e cila eshte duke u pergatitur, por ka shpjeguar se jane ne fazen perfundimtare te pergatitjeve per t'u perballur me ceshtjen e iniciatives serbe ne Gjykaten Nderkombetare te Drejtesise. "Per shkak te natyres dhe ndjeshmerise se ceshtjes, une nuk mund te bej publike gjithcka qe eshte punuar ne kete drejtim. Ne tashme jemi pergatitur per te dyja situatat dhe kemi qene te pergatitur edhe me pare", deklaroi Citaku. Sipas saj, e verteta eshte qe ministria eshte ne kontakt me eksperte vendore edhe nderkombetare dhe tani jane ne fazen e finalizimit te platformes sone dhe shume shpejt nje gje te tille do ta bejme publike. Zv.ministria e Puneve te Jashtme theksoi se Presidenca, Kuvendi, Qeveria dhe Ministria e Puneve te Jashtme e kane marre shume seriozisht kete ceshtje dhe, sipas saj, qytetaret e Kosoves nuk kane nevoje te frikesohen nga vendimet e gjykates. "Dua t'ju siguroj edhe juve, edhe te gjithe qytetaret se jane duke u bere intensivisht te gjitha pergatitjet. Si Kosove do te jemi te pergatitur. Te gjitha argumentet jane ne anen tone, si ato politike, historike, si ato ligjore. Nuk kemi nevoje per t'u frikesuar dhe besojme qe ne Gjykaten e Drejtesise do te dalim faqebardhe", nenvizoi Vlora Citaku. Megjithate, Arben Qirezi, nga Aleanca per Ardhmerine e Kosoves, shprehet skeptik sa i perket pergatitjeve te institucioneve te Kosoves per t'u perballur me kete ceshtje ne Gjykaten Nderkombetare te Drejtesise. "Ne do te deshironim t'u besonim. Do te deshironim qe ata te punojne. Te gjitha sigurimet se po behet gjithcka qe eshte e mundur, mendoj se nuk kane kurrfare baze. Ndoshta po behet gjithcka qe eshte e mundur per te gjithe ata njerez qe jane ne institucione, por nuk po behet ajo qe eshte e mundur realisht te behet, po behet shume me pak", thote Qirezi. Ai konsideron se institucionet e Kosoves ne kete kohe duhet te jene te angazhuara ne ceshtjen e lobimit. "Natyrisht, sa i perket Gjykates Nderkombetare te Hages, ne rast se vendoset qe Kosova ta prezantoje rastin e vet, kete duhet ta beje permes eksperteve nderkombetare", vleresoi deputeti i Aleances per Ardhmerine e Kosoves. Sipas tij, ne pakon e Ahtisaarit eshte argumentuar mjaft mire se shtetesia e Kosoves eshte rezultat i shperberjes se ish-Jugosllavise dhe luftes qe ka ndodhur ne vitet 98/99. Pra, per deputetin kosovar, keto do te duhej te ishin linjat argumentuese ne Gjykaten Nderkombetare te Drejtesise.

Hage: Arrin kerkesa serbe per Kosoven

Gjykata Nderkombetare e Drejtesise ka bere te ditur dje se ka pranuar kerkesen e Asamblese se Pergjithshme per te dhene mendimin mbi ligjshmerine e pavaresise se Kosoves. Gjykata tha se do te hartoje nje listet te shteteve dhe organizatave, qe do te mund t'i japin gjykatesve informacione relevante. Pas kesaj do te caktohet koha e deshmive dhe e degjimeve publike. Gjykata eshte trupi me i larte juridik i OKB-se. Mendimet e saj nuk jane te detyrueshme..