Qeveria, skeme te re per subvencionimin e cmimit te energjise

Familjet ne nevoje, personat me aftesi te kufizuara, pensionistet, ata qe trajtohen me ndihme ekonomike, por edhe ata buxhetore te cilet kane page nen 35 mije leke, do te perfitojne kompensim te energjise. Ministri i Ekonomise, Dritan Prifti ka takuar ministrin e Puneve dhe Ceshtjeve Sociale, ku kane diskutuar mbi fondin qe do te vihet ne dispozicion te perfituesve. Do te jene 3 miliarde leke te cilat do te vihen ne dispozicion nga te dy ministrite, per subvencionimin e cmimit te energjise.
Kompensimi
Qeveria premton subvencionim per rritjen e cmimit te energjise elektrike, jo vetem per shtresat e varfra por edhe per buxhetoret me page te ulet nen 350 mije leke te vjetra. Ministri i Ekonomise, Dritan Prifti eshte takuar me ministrin e Punes, Spiro Ksera. Gjate ketij takimi eshte diskutuar mbi skemen e re te subvencionimit te energjise, detajet lidhur me numrin e perfituesve dhe shumen do te behen publike diten e marte. "Familjet qe trajtohen me ndihme ekonomike, te cilat kane persona qe perfitojne pagese paaftesie, te papunet, buxhetoret me page mujore nen 35 000 leke, pensionistet, etj. do te perfitojne nga subvencionimi qe do te akordohet nga qeveria per rritjen e cmimit te energjise", u shpreh ministri i Ekonomise, Dritan Prifti. Sipas tij, qeveria ka parashikuar nje fond prej 2 miliarde lekesh, per kompensimin e cmimit te energjise elektrike dhe garantohet se shteti do te kompensoje 100 per qind te vleres se rritur te energjise, per kategorite ne nevoje. Nderkohe ministri i Punes, Spiro Ksera ka pohuar se do te kete edhe kategori te reja te cilat do te perfshihen ne listen e personave qe do te perfitojne nga kompensimi i energjise. "Ne VKM qe do te pergatitet nga ekspertet do te perfshihen edhe kategorite e reja qe do te trajtohen me ndihme ekonomike per here te pare, pas ndryshimeve te parashikuara ne ligjin "Per Ndihmen dhe sherbimet shoqerore" sqaroi ministri i Punes.
Drafti
Dy ministrat kane bere te ditur se po hartohet nje draft i ri, per subvencionimin e energjise i cili te marten do te dergohet ne Kryeministri, me qellim miratimin ne mbledhjen me te afert te Keshillit te Ministrave. Ministrat Ksera dhe Prifti, u shprehen se pas perfundimit te punes se eksperteve dhe pergatitjes se VKM do te behen me dije te gjitha grupet e perfitimit, numri i perfituesve dhe kostoja e sakte qe do te nevojitet per kompensimin. Deri tani, subvencionim per rritjen e cmimit te energjise elektrike kane perfituar 270 mije persona te perfshire ne skemen e ndihmes ekonomike. Por perfshirja e buxhetoreve ne subvencionim, pritet ta rrise numrin me rreth 10 mije te tjere.
Perfitojne kompensim te energjise
Pensionistet
Familjet me te ardhura te pakta
Familjet qe trajtohen me ndihme ekonomike
Personat me aftesi te kufizuara
Personat me te ardhura te pakta
Buxhetoret me page nen 35 mije leke
Fondi
Qeveria ka parashikuar nje fond prej 3 miliarde lekesh, per kompensimin e cmimit te energjise elektrike dhe shteti do te kompensoje 100 per qind te vleres se rritur te energjise, kategorite ne nevoje.
Projektvendimi
Nje grup pune me eksperte te te dy ministrive, deri diten e marte te javes tjeter do te kete gati projektvendimin ne menyre qe duke filluar nga 1 janari, te gjitha kategorite te kene mundesine te perfitojne kompensimin per energjine.