Qyteti Studenti, rritet me 5 mije leke tarifa e konviktit
Nje student, sivjet do te paguaje 35 mije leke per 9 muaj strehim
Strehimi per 9 muaj ne bujtinat e Qytetit Studenti do te kushtoje 35 mije leke, plot 5 mije leke me shume se vitin e kaluar. Vendimi eshte marre gjate mbledhjes se bordit drejtues te Ndermarrjes nr.1 te Trajtimit te Studenteve, ku per hir te se vertetes kushtet jane permiresuar se tepermi. Keshtu, banoret e kesaj qyteze brenda kryeqytetit do te paguajne 35 mije leke per qendrimin nga tetori deri ne korrik te vitit te ardhshem. Argumenti per kete rritje ka te beje me faktin se shpenzimet jane shume te larta. Ne kete rast ata i referohen faturave te energjise elektrike dhe atyre te ujit te pijshem, qe paguan kjo drejtori dhe jane shume te kripura, pasi te rinjte shpenzojne pa limit. Nje vit me pare tarifa e akomodimit te te rinjve ne Qytetin Studenti ishte 30 mije leke te reja, per te gjithe periudhen qe zgjat viti akademik. Tarifa e re do te aplikohet si per ata qe regjistrohen per here te pare, edhe per ata qe jane tashme studente te nje prej fakulteteve te Universitetit te Tiranes, apo Akademise se Arteve. Ne Qytetin Studenti, ndarja e dhomave per ata qe do te ulen per here te pare ne auditore, behet gjate fillimit te shtatorit, ndersa per studentet qe jane tashme te regjistruar, ndarja behet qe ne muajin gusht, shpallet numri i dhomes ne faqen e internetit dhe te rinjte nuk kane nevoje te shkojne te rrine ne radhe per te zene nje dhome. Kjo menyre e shperndarjes te te rinjve neper dhoma dhe godina ka zhdukur radhet e gjata qe beheshin cdo fillimviti akademik ne qytetin e te rinjve. Sikurse mesohet, per ata qe duan te qendrojne pertej kesaj periudhe per te punuar ne kryeqytet, do te kene bujtina me pagese tjeter ekstra, ne dispozicion. Kete vit, bujtinat 1 dhe 3 do te qendrojne hapur posacerisht per studentet qe jane te punesuar, duke paguar nje tarife modeste, ne krahasim me tarifat qe paguhen kur merr nje shtepi me qira. Cdokush qe aplikon per t’u bere banor ne keto bujtina, do te paguaje 5 mije leke ne muaj. Sikurse behet e ditur nga drejtori i Ndermarrjes nr.1 te Trajtimit te Studenteve, Bujar Brovina, kapaciteti i ketyre eshte 280 studente, ndersa nese do te kete me shume kerkesa, do te merren masa per hapjen e ndonje bujtine tjeter. Te gjitha bujtinat do te mbyllen me 25 korrik, dite kur duhet te kete ikur edhe studenti i fundit. Pergjithesisht, mbyllja e bujtinave shoqerohet me lyerjen dhe pastrimin e tyre, ne menyre qe kur te kthehen ne tetor, gjithcka te jete gati per studentet qe vijne nga rrethet.