Rajoni, memorandum per transportin hekurudhor

Ministrat e transportit te vendeve te Ballkanit nenshkruan dje ne Tirane memorandumin per zhvillimin e transportit hekurudhor ne rajon. Gjate dites se djeshme u zhvillua takimi i trete vjetor i ministrave te Transportit te vendeve te Evropes Juglindore (Shqiperi, Maqedoni, Kosove, Kroaci, Bosnje-Hercegovine, Serbi dhe Mali i Zi), te cilet nenshkruan nje Shtese ne Memorandumin e Mirekuptimit te 2004 mbi Zhvillimin e Rrjetit Qendror Rajonal te Transportit te Evropes Juglindore per nje Zone te Transportit Hekurudhor te Evropes Juglindore. Takimi i Tiranes ishte nje vazhdim i takimit te Brukselit, ku nepermjet firmosjes se nje rezolute te perbashket, vendet pjesemarrese merrnin persiper mbeshtetjen e zhvillimit te rrjetit hekurudhor, i cili ne gjithe rajonin eshte mjaft i prapambetur ne krahasim me llojet e tjera te transportit.
Kjo shtese eshte propozuar nga Bashkimi Evropian, nisur nga disekuilibri i madh ne perdorimin e llojeve te ndryshme te transportit, ku shumica derrmuese e investimeve shkojne per infrastrukturen rrugore, me pak ne ate portuale e ujore dhe pothuajse aspak ne zhvillimin e transportit hekurudhor. Objektivi kryesor i Memorandumit te Mirekuptimit eshte te siguroje perfitime per operatoret e transportit brenda dhe jashte rajonit me efikasitet me te larte, kosto me te ulet, cilesi me te mire sherbimesh.