Rajs: Kosova te zhvillohet si shtet i pavarur

Sekretarja amerikane e Shtetit, Kondoleza Rajs, ka ritheksuar qendrimin e Uashingtonit se pavaresia e Kosoves do te coje ne stabilitet te metejme ne Ballkan. Ajo i ka bere keto komente pas takimit me ministrin e Jashtem te Gjermanise, Frank Shtanmajer, duke nenvizuar se ne bisedimet e tyre ata i kane kushtuar mjaft hapesire rrethanave ne Ballkan, e ne vecanti Kosoves dhe sigurimit te zbatimit nga te gjitha institucionet te rezolutes 1244. "Si SHBA ashtu edhe Gjermania kane njohur Kosoven. Ne duam nje Ballkan stabil, ne te cilin serbet do ta kuptojne se kane miq te mire ne SHB dhe ne Bashkimin Evropian, dhe, duhet t'i lejojme Kosoves qe te zhvillohet si nje shtet i pavarur", ka deklaruar Rajs ne konferencen e perbashket per shtyp me homologun gjerman. Po keshtu, edhe ministri gjerman Shtanmajer ka theksuar nevojen per nje Ballkan stabel, nderkohe qe ka nenvizuar se SHBA ishin aleati me i rendesishem i Gjermanise ne kete drejtim. "Tani po perballemi me stabilitetin e Kosoves, e cila ka nje rendesi te theksuar kur flasim per Ballkanin Perendimor", deklaroi Shtanmajer. Sipas tij, ne zgjedhjet parlamentare ne Serbi, nacionalistet do te mundohen te perqendrohen ne kete ceshtje, pra ne Kosoven, ne perpjekje per te rrenuar nje atmosfere proevropiane. Shpresoj se nuk do te kene sukses. Ne kete konference te perbashket per media shefat e diplomacive amerikane dhe gjermane thane se kane biseduar edhe per ceshtje bilaterale dhe te tjera globale te interesit te perbashket. Situata ne Ballkan gjithmone e me shume po vihet ne qender te vemendjes nga kreret e vendeve me te fuqishme ne bote. Por, pas debateve mbi shpalljen e pavaresise se Kosoves, nje tjeter debati eshte hapur mbi pretendimet e Serbise per te zhvilluar zgjedhje ne Mitrovice. Por ky pretendim eshte mohuar nga shteti kosovar dhe vendet qe perkrahin pavaresine e saj.