Maqedonia hyn ne zgjedhje te parakohshme
Maqedonia shkon ne zgjedhje te parakohshme, te cilat pritet te mbahen ne fund te muajit qershor, ose ne fillim te muajit korrik. Parlamenti ne Shkup u shpernda ne oret e para te mengjesit te dites se djeshme, pas 18 muajve funksionim. Pro shperndarjes se Parlamentit u deklaruan 70 deputete dhe asnje kunder, pasi paraprakisht deputetet kunder shperndarjes e leshuan sallen e Parlamentit. Pro votuan deputetet e Bashkimit Demokratik per Integrim si propozues dhe deputetet e dy partive me te medha ne pushtet, VMRO-DPMNE dhe PDSH. "Maqedonia largohet, ose i afrohet me shume NATO-s dhe Bashkimit Evropian", ishte dilema e cila me se shumti u shtrua ne debatin parlamentar gjate dy diteve te kaluara, qe zgjati deri ne oret e hershme te mengjesit te premten dhe te shtunen. Idene per veteshperndarjen e Parlamentit e arsyetoi te enjten nenkryetari i BDI-se, Rafis Haliti. Kundershtaret e kesaj ideje me ne krye Lidhjen Social-Demokrate ne opozite, thane se qeveria me mbeshtetjen e kesaj nisme tenton qe t'i ike pergjegjesise, ndersa vendi do te ngece ne realizimin e reformave te filluara. Deputetet nuk perfillen as sugjerimet e Presidentit Branko Cervenkovski, i cili te enjten doli para tyre. Presidenti Cervenkovski tha se mbajtja e zgjedhjeve te parakohshme do t'i pengoje bisedimet me Greqine, ndersa si pasoje e kesaj do te vonohet marrja e fteses per anetaresim ne NATO ndersa sivjet nuk do te fillojne as negociatat me Bashkimin Evropian. Me kerkese te Kryeministrit Nikolla Gruevski u realizua nje takim koke me koke me Presidentin Cervenkovski dhe sipas Kryeministrit, ai ka tentuar qe ta siguroje Presidentin se zgjedhjet e parakohshme nuk do t'i vonojne proceset evro-integruese te vendit. Diplomatet perendimore nuk e pane me simpati idene per mbajtjen e zgjedhjeve te parakohshme ne Maqedoni. Ambasadorja amerikane ne NATO, Viktoria Nulland, sugjeroi qe vendi te vazhdoje me zgjidhjen e problemeve kryesore, duke perfshire ketu edhe ceshtjen e emrit me Greqine. Debati dyditor ne Parlament u karakterizua me nderprerje te shpeshta te punimeve, me akuza dhe kunderakuza midis pozites dhe opozites. Ky eshte rast i pare qe nga pavaresia e Maqedonise, qe parlamenti veteshperndahet me deshire. Sipas te gjitha gjasave, zgjedhjet e parakohshme do te mbahen ne fund te muajt qershor, ose ne fillim te muajt korrik. Vonesa per liberalizimin e regjimit te vizave midis Maqedonise dhe Shqiperise e nenshkruar me 19 shkurt ne Tirane nga ministrat e Jashtem te te dyja vendeve ende nuk eshte futur ne procedure parlamentare, me qellim qe te behet e plotfuqishme. Me shperndarjen e Parlamentit ne oret e hershme te mengjesit, ratifikimi i kesaj marreveshjeje ka ngelur te behet nga perberje e re parlamentare, qe do te dal pas zgjedhjeve te parakohshme te qershorit. Zedhenesi i Qeverise se Maqedonise, Ivica Bocevski, deklaroi se edhe perkunder mosratifikimit te marreveshjes se 19 shkurtit per heqjen e vizave, prape se prape, sipas tij, do te vleje vendimi qe vizat te merren neper pikat kufitare mes dy vendeve.