Rama: Berisha i lidhur me mafian

Kryetari i Partisë Socialiste, Edi Rama deklaroi sot se mes Gërdecit, klanit të kryeministrit Berisha dhe arrestimit të boshnjakut, Damir Fazllic ka nje lidhje që të con drejt zbardhjes së skemës së korrupsionit të municioneve luftarake.

"Mediat nxorrën në dritë fakte që lidhin Berishën më të gjitha të zezat e rajonit tonë dhe të bëjnë të kuptosh se veprimtaria e paligjshme paska qenë që në javën e parë të pushtetit të tij", u shpreh Rama.

Sipas shefit socialist, grabitja e fondeve publike në rrugën Durrës-Kukës, shpërthimi i Gërdecit, aktiviteti i paligjshëm ekonomik janë prova të aksionit e misionit qeverisës së Berishës.

"Personi i arrestuar në Bosnjë ka regjistruar disa kompani me klanin kryeministror dhe ka kryer bashkë me njerëz të Berishës operacione të paligjshme", u shpreh Rama.

Kryesocialisti deklaroi se as grabitja e fondeve as punishtja e armëve nuk janë të shkëputura nga një skenar i kapjes së shtetit që ka si tutor kryeministrit.

"Gjurmët e nxjerra në dritë nga shtypi flasin qartë për një qeveri të orkestruar nga interesat e botës së paligjshme dhe cojne për momentin drejt Lulzim Berishës. Pyetja që ngre unë sot është se kur do të thirret para drejtësisë, ministri Basha", u shpreh Rama.

Shefi socialist i kërkoi Prokurorisë që të hetojë thellësitë e kanaleve që ligjin 'marifetciun" e klaneve në Bosnjë me kryeministrin.