Rama: Ne bulevard per te larguar Saliun me zgjedhje

Kryetari i Partise Socialiste, Edi Rama iu ka bere dje apelin e fundit qytetareve ne gjithe vendin, per te marre pjese ne demonstraten e sotme ne Tirane. Ai ka perseritur qendrimin per zgjedhje te reja, ndersa ka shtuar se populli duhet te jete "gjykates" i qeverise qe e drejton. "Neser ne oren 16.00 ne bulevard per kedo qe sot nuk i degjon dot me genjeshtrat e perditshme te Saliut. I cili duhet te largohet dhe t'i hape rruge zgjidhjes perfundimtare te krizes, duke i rikthyer perfundimisht ketij populli te drejten qe te zgjedhe lirisht qeverine e vet dhe lirine qe te mos jete me vartes, po gjykates i qeverise qe zgjedh", u shpreh dje ne nje konference per mediat kreu i PS-se. Rama ka permendur se protesta e PS-se do te jete per korrupsionin e qeverise, per padrejtesite dhe per vrasjet sipas tij politike. "Neser ne 4, ne bulevard me kedo e per kedo qe nuk e pranon me padrejtesine si norme dhe drejtesine si nje aspirate te parealizueshme as kur vriten njerez, 4 demonstrues si ne 21 janar, 26 skllever si ne Gerdec, nje deputet si para zgjedhjeve te shkuara, nje kryekomunar si pak kohe me pare. Te cilet jane viktimat njerezore te padrejtesise qe vret cdo dite endrra, shpresa, te drejta, duke deshperuar perdite shqiptare te pafajshem qe s'gjejne dot te drejten e punes, te drejten e prones, te drejten e te jetuarit denjesisht ne atdheun e tyre, per shkak se Shqiperia eshte marre peng nga nje regjim vrastar kusaresh",- tha dje Rama. Kreu i PS-se u shpreh ne fjalen e tij se demonstrata do te jete paqesore, ne emer te korrupsionit dhe gjithe problemeve qe kane te bejne me papunesine. "Neser ne oren 4 ne do te jemi ne bulevard me kedo qe deshiron te demonstroje paqesisht por vendosmerisht per largimin e Saliut dhe zgjedhje te reja, te lira e te ndershme. Do te jemi ne bulevard per kedo qe sot nuk e shtyn dot me jeten e perditshme, per shkak te vuajtjeve e veshtiresive te pafundme qe regjimi vrastar i kusarise shton perdite mbi kurrizin e shqiptareve te zakonshem",- tha dje kreu i PS-se. Kreu i PS-se ka lene te kuptohet se demonstrata do te kete motiv kryesor vrasjet e ndodhura ne daten 21 janar. "Neser ne 4 ne bulevard me kedo e per kedo qe sot nuk e sheh dot me si te veten kete qeveri, pergjegjese per kater vrasjet makaber dhe per te gjitha plagosjet me arme zjarri ne mes te Tiranes. Te cilat u shkrepen mbi popullin nga regjimi i kusarise, qe vrau per te vazhduar te vjedhe",-tha dje Rama.

Organizimi
Fjalime e parulla para kryeministrise
Demonstrata e Partise Socialiste pritet te mos ndryshoje nga formati i meparshem i tubimeve marshim. Pritet qe nisja e demonstruesve te behet nga disa drejtime per t'u mbledhur ne oren 16:00 ne bulevardin "Deshmoret e Kombit". E vecanta e demonstrates se fundit duket se ka te beje me fjalimet. Eshte parashikuar qe kreu i PS-se, por edhe drejtues te tjere te koalicionit opozitar, te flasin gjate protestes. Nderkohe qe ne lidhje me detajet e tjera te demonstrates, perfaqesuesit e opozites shprehen te rezerveruar. Ne baze te lejes qe kane marre ne Policine e Tiranes, demonstrata do te zgjase dy ore. Nderkohe qe per mbajtjen nen kontroll te saj, drejtuesit e PS-se kane parashikuar te marrin nje sere masash me staf sigurie, sic kane bere dhe ne demonstratat e tjera pas 21 janarit.