Rama: Politika e re, larg mllefeve dhe sharjeve

"Nga une, nuk do te degjoni te shara per askend, nuk i bejne nder askujt te sharat, shpifjet, akuzat, fyerjet, perkundrazi jane mjetet e politikes se vjeter te ketyre 17 vjeteve, qe i kane bere deme te jashtezakonshme Shqiperise"! Ky eshte premtimi i bere dje nga kreu socialist, Edi Rama, gjate takimeve te zhvilluara ne Gjirokaster. Por, nga ana tjeter, me ane te ketij qendrimi, Rama i jep dhe nje pergjigje te qarte lidershipit te LSI-se, e kjo duke iu referuar deklaratave te njepasnjeshme te ardhura pergjate ketyre diteve. Madje, ndalur ne kete debat mes partish, Rama vuri ne dukje se "nuk eshte koha qe nje popull i tere te shoh me zemer te dridhur, se a po bashkohen apo ndahen politikanet, por eshte koha qe i gjithe populli te bashkohet pertej se majtes dhe se djathtes, pertej interesave te politikes se dites, pertej interesave te politikaneve dhe sherreve te tyre, duke kuptuar, qe nese duam te ndertojme nje Shqiperi per femijet tane, kete Shqiperi mund ta

ndertojme me nje politike te qytetareve, jo ate te politikaneve, kjo eshte koha". Sipas tij, politika e mllefit nuk eshte nje politike qe nderton, qe ndryshon, apo qe sjell energji, shprese dhe rezultat. Per kete arsye, Rama vleresoi se "bashkimin duhet ta realizojme duke bere qe cdo njeri te kuptoje se perpara se te jemi socialist apo demokrat, jemi shqiptar, qytetar, jemi prinder qe u detyrohemi ketij atdheu dhe femijeve tane, nje ndryshim te madh, sepse, ne fund te fundit, ky atdhe eshte borxhi qe u kemi dhe amaneti qe kemi nga te paret tane. Nuk eshte "mish per topat" e partive dhe fushatave elektorale, apo per interesa e politikaneve, sic per fat te keq ka ndodhur ne keto 17 vjet".