Rama: Propozimet e PS, e vetmja rruge per ne BE

Pas deshtimit te negociatave per presidentin mes krereve te grupeve parlamentare, ka reaguar dhe kreu i Partise Socialiste, Edi Rama. Ne adresen e tij ne rrjetin social "Facebook", Rama shkruan se propozimet e Partise Socialiste jane e vetmja rruge per te shpetuar statusin e Bashkimit Europian. "Propozimi i Partise Socialiste drejtuar Partise Demokratike per te ngritur tryezen e dialogut mes gjithe forcave parlamentare, eshte e vetmja rruge per te shpetuar statusin ne Bashkimin Europian", - shprehet Rama pas deklaratave te krereve te dy grupeve parlamentare per zgjedhjen e kreut te shtetit. Sipas kreut te PS-se, te katerta ceshtjet e ngritura nga opozita lidhen ne menyre direkte me procesin e integrimit te vendit. Rama shton se mosmarrja e statusit te vendit kandidat ne festimin e 100-vjetorit te Pavaresise se Shqiperise do te ishte nje turp per klasen politike. "Te katerta keto ceshtje, te lidhura ngushte me interesin kombetar ne kete udhekryq drejt vjeshtes, ku 28 nentori pa status te ri ne Bashkimin Europian do te qe baras me turp", - shkruan ne rrjetin social kreu i PS-se. Kryesocialisti Edi Rama shprehet se duhet te zhvillohet sa me shpejt "tryeze mes kryetareve te partive per reformen zgjedhore e parlamentare, heqjen e imunitetit dhe zgjedhjen Presidentit te ri".