"Rama, kerko falje per firmen e babait"

Familjaret e poetit te varur vite me pate, Havzi Nela, kerkuan dje nga Kryetari i Bashkise se Tiranes, njekohesisht kreu i Partise Socialiste, Edi Rama, qe te kerkoje falje ne emer te te atit te tij, i cili sipas tyre firmosi denimin me varje. Ne nje reagim per mediat, vellai i poetit te ndjere Nela, Shkuri Nela, denoncoi nje realitet te shemtuar mbi ekzekutimin e vellait te tij. "Ne, familjaret e Havzi Neles jemi ketu per te ngritur jo per te ngritur akuze politike por per te denoncuar nje realitet te deshmuar ne fakte, ne fakte dhe prova autentike qe disponojme per ekzekutimin e vellait tone. Dekreti qe denoi me varje ne litar vellane tone, ne ditet kur diktatura po jepte shpirt, mban firmen e Kristaq Rames, babait te Kryetarit te Partise Socialiste, Edvin Rama", tha Nela. Sipas tij, per kete arsye dhe faktet qe flasin vete, Rama duhet te dale publikisht e te kerkoje falje dhe jo te shprehet me mburrje sic theksoi ai, per te atin e tij. "Zoti Edvin Rama qe shprehet me mburrje se eshte biri i te atit, duhet te pakten te na kerkonte falje, ne vellezerve, familjareve si dhe te gjithe shqiptareve per firmen e babait te tij, per varjen e vellait tone Havzi Nela", vijoi i vellai i poetit te varur. Sipas tij, ky eshte nje akt jetik, per te deshmuar se Rama distancohet nga trashegimia kriminale e diktatures, pjese e te ciles eshte dhe babai i tij. "Eshte hapi i pare, qe zoti Rama duhet te hedhe, per te besuar se ai nuk ka te njejtin mendesi me te atin. Reagimi i familjareve te Havzi Neles, poetit te varur nga sistemi komunist, reaguan dje ashper pas hapjes se debateve politike dhe deklaratave te fundit te bera nga kreu socialist Edi Rama, mbi te atin e tij. Ata jo vetem qe kerkuan qe Rama te distancohet nga kjo e kaluar, por edhe te kerkoje falje per veprime te tilla te kryera vite me pare. Prej ditesh mbi situaten e tensionuar politike per ceshtjen e hapjes se kutive, po nxirren akuza te reja mes maxhorances dhe opozites. Akuza te cilat me se shumti, po prekin jeten personale te lidereve politike dhe familjareve te tyre.

Berisha: I ati Rames firmosi

Pak dite me pare, ne emisionin Opinion ne Tv Klan, Kryeministri Sali Berisha, tha se i ati i kreut te Partise Socialiste, Edi Rama, Kristaq Rama, ka qene anetar i presidiumit te Kuvendit Popullor. Duke shtuar, se si anetar ne kete presidium, ai ka firmosur per varjen e njerezve. "Asnje shqiptar, nuk pushkatohej pa firmen e presidiumit", theksoi Kryeministri. Reagimi i kreut te qeverise, vjen pas protestave te vazhdueshme te Partise Socialiste per hapjen e kutive te votimit. Ne kete kuader, kryeministri, Sali Berisha, jo vetem qe deklaroi ne menyre kategorike se kutite nuk do te hapen pasi gjykata ka dhene vendimin, por theksoi faktin se Kuvendi mund te vazhdoje pa opoziten kur ka maxhorancen prezent, jo kater vite, por edhe 8 edhe 12 vite te tera.