Rama mbledh sot aleatët, mungojnë Milo e Dule
TIRANE- Partitë e opozitës janë mbledhur mesditën e së martës për të diskutuar për reformën zgjedhore dhe situatën politike në vend.
Në takimin që nisi pas orës 12:00, në hotel “Tirana International” marrin pjesë kryetari i Partisë Socialiste, Edi Rama, kryetari i Partisë Socialdemokrate, Skënder Gjinushi, kryetari i Partisë Ligj dhe Drejtësi, Spartak Ngjela, kryetari i PSV '91, Petro Koçi dhe politikani Preç Zogaj. Ndërkohë, në takim mungojnë kryetari i Partisë Demokracia Sociale, Paskal Milo dhe kryetari i Partisë Bashkimi për të Drejtat e Njeriut, Vangjel Dule.
Mësohet se në takim do të diskutohet për progres raportin e Bashkimit Europian për Shqipërinë, si edhe përgjegjësitë mbi mesazhet e këtij raporti.
Sot pritet të diskutohet edhe pakti prej 10 pikash i propozuar nga Edi Rama si edhe reforma zgjedhore.
Por, në të njëjtën kohë, aleatët kanë ditë që qarkullojnë mes tyre një draft-marrëveshje parimesh, të cilat do të diskutohen edhe sot, në takimin zyrtar dhe që kanë lidhje me qëndrimin e opozitës për reformën zgjedhore. Partitë e vogla kanë propozuar gjatë gjithë këtyre ditëve që PS të shprehet qartë, në lidhje me disa pika të kësaj reforme, siç janë masa e reformimit të Kodit Zgjedhor, një pikë tjetër që ka të bëjë me ndarjen e qarqeve nga 12 në 6 të tillë, ndryshimi i formulës së llogaritjes për ndarjen e mandateve mes partive të vogla në koalicione, e një sërë çështjesh të tjera.
Paraprakisht, mësohet se kreu i PDS-së, Paskal Milo nuk mori pjesë për shkak të angazhimeve të tij, në mësimdhënie, në Kosovë. Mungoi dhe Dule i PBDNJ, por persona të 2 partive respektive plotësuan vendin e 2 krerëve të partive të vogla sot në këtë takim.
Pritet që dot, të deklarohet një qëndrim i të gjithë aleatëve për reformën zgjedhore, e cila është edhe tema e momentit, ndërsa do të diskutohet edhe për situatën brenda koalicionit.
(d.b/GSH/BalkanWeb)
Në takimin që nisi pas orës 12:00, në hotel “Tirana International” marrin pjesë kryetari i Partisë Socialiste, Edi Rama, kryetari i Partisë Socialdemokrate, Skënder Gjinushi, kryetari i Partisë Ligj dhe Drejtësi, Spartak Ngjela, kryetari i PSV '91, Petro Koçi dhe politikani Preç Zogaj. Ndërkohë, në takim mungojnë kryetari i Partisë Demokracia Sociale, Paskal Milo dhe kryetari i Partisë Bashkimi për të Drejtat e Njeriut, Vangjel Dule.
Mësohet se në takim do të diskutohet për progres raportin e Bashkimit Europian për Shqipërinë, si edhe përgjegjësitë mbi mesazhet e këtij raporti.
Sot pritet të diskutohet edhe pakti prej 10 pikash i propozuar nga Edi Rama si edhe reforma zgjedhore.
Por, në të njëjtën kohë, aleatët kanë ditë që qarkullojnë mes tyre një draft-marrëveshje parimesh, të cilat do të diskutohen edhe sot, në takimin zyrtar dhe që kanë lidhje me qëndrimin e opozitës për reformën zgjedhore. Partitë e vogla kanë propozuar gjatë gjithë këtyre ditëve që PS të shprehet qartë, në lidhje me disa pika të kësaj reforme, siç janë masa e reformimit të Kodit Zgjedhor, një pikë tjetër që ka të bëjë me ndarjen e qarqeve nga 12 në 6 të tillë, ndryshimi i formulës së llogaritjes për ndarjen e mandateve mes partive të vogla në koalicione, e një sërë çështjesh të tjera.
Paraprakisht, mësohet se kreu i PDS-së, Paskal Milo nuk mori pjesë për shkak të angazhimeve të tij, në mësimdhënie, në Kosovë. Mungoi dhe Dule i PBDNJ, por persona të 2 partive respektive plotësuan vendin e 2 krerëve të partive të vogla sot në këtë takim.
Pritet që dot, të deklarohet një qëndrim i të gjithë aleatëve për reformën zgjedhore, e cila është edhe tema e momentit, ndërsa do të diskutohet edhe për situatën brenda koalicionit.
(d.b/GSH/BalkanWeb)