Rama përshëndet tryezën e partive të vogla

TIRANE- Kreu i Partisë Socialiste, Edi Rama menjëherë pas mbylljes së takimit mes partive të vogla për reformën zgjedhore e përshëndeti takimin, nëpërmjet një postimi të shkurtër në Twitter.

E përshëndes takimin e partive të vogla dhe përsëris angazhimin e PS për një reformë gjithëpërfshirëse.- shkruan Rama në Twitter.

Më herët gjatë ditës, krerët e partive të vogla ishin së bashku në një tryezë për të diskutuar reformën zgjedhore dhe qëndrimin që do të mbajnë ata.

Duke theksuar se sistemi aktual zgjedhor cenon hapur barazinë e votës, partitë e vogla kërkuan nga dy të mëdhatë barazi ligjore mes subjekteve, rregullim të sistemit zgjedhor aktual që garanton barazinë e votës ne përputhje me kushtetutën dhe standardet.