"Rama perzgjodhi Ristanin, per kryetar te KQZ-se"

Partia Demokratike reagoi ashper ndaj deklaratave te djeshme, te kryetarit te Partise Socialiste, Edi Rama, per procesin e ankimimit te zgjedhjeve. Zedhenia e PD-se, Erla Mehilli, i cilesoi sulmet e Rames ndaj kryetarit te Komisionit Qendror te Zgjedhjeve, Arben Ristanit, si nje rrugaceri dhe pafytyresi politike. PD kujtoi se kandidatura e Ristanit si kryetar i KQZ-se, ishte perzgjedhur nga PS mes tre kandidaturave te tjera te paraqitura nga demokratet. "Sulmet e Edi Rames ndaj kryetarit te KQZ-se, Ristani, i cili ka kryer me integritet te larte detyren e besuar, informojme opinionin publike se midis 3 kandidaturave te paraqitura nga PD per kete post, eshte Edi Rama, qe ra dakord per kreun e institucionit te administrimit te zgjedhjeve, ndaj dhe sulmet e tij nuk jane tjeter vecse nje rrugaceri dhe pafytyresi politike", shpjegoi zedhenesja e PD-se per mediat. Ne lidhje me mandatin e nente ne Fier, Mehilli deklaroi se numerimi i kutive te Libofshes eshte bere vetem nga komisoneret e PS-se, te cilet duke fikur kamerat e vezhgimit i kane manipuluar keto vota. "Numerimi eshte bere vetem nga komisioneri socialist, i njohur si hajdut, qe per te vjedhur shfrytezoi erresiren dhe fiku kamerat e filmimit te votave", shpjegoi Mehilli. Po keshtu zedhenesja e PD-se i kujtoi Rames, se ende ne prokurori ekzistonin dosjet, qe ministrat e PS-se kishin hartuar per te. "Ndonese ai eshte sot ne krye te PS-se, dosjet e korrupsionit te tij te hartuara nga ministrat e PS dhe qe jane sot eksponent kryesor te kesaj partie, gjenden ne prokurori", vijoi zedhenesja e PD-se. Mehilli i beri thirrjen e radhes kreut te selise roze, qe te pranonte humbjen ne zgjedhje, pasi procesverbalet e zonave qe ai pretendon per rinumerim, jane te firmosura edhe nga komisioneret socialist.

F.Mejdini