Rama terhiqet nga 4 kushtet, sot takim me Berishen

Dy kreret e partive me te medha politike, kryeministri Sali Berisha dhe kreu socialist, Edi Rama, rane dakord te ulen sot per te biseduar mbi zgjedhjen e Presidentit te ri te Republikes. Burime prane selive politike, pohuan dje se Berisha dhe Rama, te shoqeruar nga kreret e grupeve parlamentare, Astrit Patozi dhe Gramoz Ruci, do te konsultohen sot ne mbremje per zevendesimin e kreut te ri te shtetit. Takimi eshte konfirmuar nga dy kampet politike, se do te zhvillohet ne Kryesine e Kuvendit ne oren 20:30 te mbremjes. Ky takim vjen pas terheqjes qe shpalli te shtunen kryesocialisti Edi Rama nga tre kushtet e vena prej tij per negociata. Rama njoftoi ne daljet e djeshme per media se eshte dakord te bisedoje me Berishen vetem per ceshtjen e Presidentit te ri. Keshtu, kryetari socialist e ka ndare ceshtjen e presidentit nga ato te reformave te tjera.

Takimi ne kete ore te vone te mbremjes, do te zhvillohet per shkak te axhendes se ngjeshur te kryeministrit ne jug te vendit, por edhe pikerisht diten e sotme, pasi te henen, Kuvendi qe ne oren 10:00, ka percaktuar zhvillimin e votimit te dyte per zgjedhjen e presidentit te ri. Biseda mes paleve, do te perqendrohet ne emrat e permendur deri me sot per te kandiduar per postin e kreut te shtetit. Mazhoranca ka lincuar dhe mbeshtetur, emrin e Xhezair Zaganjorit, si nje kandidat qe permbush te gjitha kriteret kushtetuese dhe nje figure jo politike. Por sigurisht per tu permendur eshte edhe kandidati i veteofruar per te qene Presidenti i ardhshem, ish lideri socialist Fatos Nano, i cili zhvilloi edhe takime per prezantimin e platformes se tij. Deri me sot nuk ka asnje emer te artikuluar nga opozita e majte, qe ne menyre te perseritur ka bere kerkesa per dialog e konsulta mes paleve para daljes me nje kandidat te mundshem. Vetem pak ore para takimit, kreu socialist, Edi Rama, u shpreh dje se nese gjendet konsensus per Presidentin, atehere me pas do te zgjidhen edhe ceshtjet e tjera. Teksa zbuloi edhe nje leter qe sipas tij, Komisioneri per Zgjerimin, Stefan Fyle, u ka derguar te dy krereve te partive politike, ne kete situate te rendesishme, ku nga Shqiperia priten reformat per marrjen e statusit te vendit kandidat, por edhe zgjedhja e Presidentit te ri te Republikes. "Pak dite me pare, qofte une qofte kryeministri kemi marre nje leter nga Komisioneri per Zgjerim, Stefan Fyle, dhe ne ate leter praktikisht trajtohen pikat per te cilat ne kemi kerkuar qe te kete tryeze dhe qe te kete perpjekje per t'i zgjidhur te gjitha se bashku por sigurisht nje e nga nje. Nderkohe qe padyshim qe ne takimin e sotem do te diskutohet pika qe eshte ne rendin e dites se Parlamentit, ajo qe lidhet me zgjedhjen e nje Presidenti, i cili sipas nesh dhe miqve dhe partnereve nderkombetare, por edhe vete aspirates se opinionit publik, duhet te jete konsensual", - u shpreh dje Rama. Ai theksoi se PS shkon me vullnetin e plote per t'i dhene zgjidhje ceshtjes se zgjedhjes se presidentit apo presidentes se re te Republikes, i cili sipas tij, duhet te jete emri i nje personaliteti publik qe te mos jete nje noter partiak, as i PD dhe as i PS. Nderkohe qe dy dite me pare nga Vlora, kryeministri Sali Berisha, tha se mazhoranca eshte e vendosur qe te zbatoje marreveshjen me LSI. Sipas tij praktika e ultimatumeve, e perdorur se fundmi nga Rama eshte e deshtuar dhe se mazhoranca nuk pranon dhe nuk impresionohet nga asnje lloj ultimatumi apo kushti.