Ramen e refuzon edhe Topi, FRD: PS, model te vjeter sjelljeje, nuk bejme koalicion

Oferta e kreut te Partise Socialiste Edi Rama per te bere pjese te koalicionit opozitar Frymen e Re Demokratike, partine qe drejtohet nga ish-presidentit Bamir Topi, eshte refuzuar nga drejtues te kesaj force politike. Nenkryetari i kesaj force politike, Aleksander Biberaj eshte shprehur se sjelljet e Partise Socialiste, jane te vjetra. Ai u shpreh se FRD-ja nuk ben koalicion me PS-ne dhe ky eshte nje vendim, qe nuk ndryshon. “Partite e vjetra kane nje model te vjeter sjelljesh. Ne nuk bejme asnje koalicion me PD-ne, me PS-ne dhe as me LSI-ne. Ky eshte nje vendim konstant qe FRD-ja e nuk e ndryshon”, u shpreh Biberaj. Ne konferencen e bere ne “Twitter” dy dite me pare, Rama u shpreh se “FRD duhet te clirohet nga kompleksi se bashkimi ne frontin opozitar mund te shihet si tradhti”. Kryesocialisti nuk i ka kursyer dhe etiketimet personale ndaj kreut te kesaj force politike. “Si politikan i vjeter ne arene eshte i mberthyer rishtaz nga nje kompleks virgjerie, qe krijon keqardhje”, u shpreh Rama. Pavaresisht qendrimeve te kreut te PS-se, Biberaj ka shtuar se FRD-ja mund te beje koalicion vetem me forca te qendres se djathte. “Ne jemi te pergatitur per te dale te vetem ne zgjedhjet e Qershorit 2013, megjithate jemi te hapur per koalicion me forcat e qendres se djathte. Ne cfaredolloj koalicioni te mundshem qe do te hyjme, ne do te respektojme vlerat dhe programet e ketyre partive dhe do t’i quajme ata partnere”, ka deklaruar Aleksander Biberaj.