Ramires afër Chelseat

Chelsea shpreson të siguroj transferimin e mesfushorit të Benficas, Ramires gjatë kësaj jave pas rikthimit të tij në Lisbon nga pushimi ka shkruar të martën e përditshmja angleze The Guardian. Ramires do të diskutoj rreth transferimit me drejtuesit e Benficas dhe pritet të kaloj në Stamford Bridge për 20 milionë euro.

Marrëveshja ende nuk është përmbyllur dhe Benfica dëshiron të diskutoj me Chelsean rreth shkëmbimit eventual me ndonjë futbollistë. Por, menaxheri i Chelseas, Carlo Ancelotti është i vendosur të sjell përforcime. Deri më tani ka angazhuar vetëm mesfushorin izraelit Yossi Benayoun.