Raporti: Raketa iraniane mund të godasë Izraelin

Mediat iraniane raportojnë se ushtria e Iranit ka lëshuar me sukses raketën balistike me rreze të mesme veprimi Shahab-3, që është e aftë ta godasë Izraelin.

Irani thotë se kjo raketë e ka rrezen e veprimit deri në 2 mijë kilometra, ndërsa Izraeli është larg nga Irani një mijë kilometra.

Raketa ishte testuar si pjesë e stërvitjeve ushtarake “Profeti i Madh 7”, që filluan dje, për shkak të rritjes së presionit perëndimor ndaj këtij vendi lidhur me programin atomik iranian.

Në këtë aspekt shihet edhe embargoja e naftës e Bashkimit Evropian ndaj Iranit, që nisi më 1 korrik.

Teherani thotë se stërvitjet ushtarake kanë për qëllim demonstrimin se ky vend mund të përgjigjet ndaj aksioneve armiqësore nga forcat e jashtme.

Njërkohë, stërvitjet luftarake iraniane po mbahen në periudhën kur ekspertët nga Irani dhe gjashtë fuqitë botërore, pritet që sot në Stamboll, të mbajnë bisedime teknike lidhur me programin atomik të Iranit