Raporti i ILDKP, Llalla: Ndryshim ligjit të deklarimit

Kryeinspektori i Deklarimit dhe Kontrollit të Pasurive kërkoi amendim të ligjit për të shmangur konfliktin e interesit. Adriatik Llalla, gjatë raportit vjetor për vitin 2011 deklaroi se tashmë janë pregatitur amendimet dhe shumë shpejt ato do të paraqiten për shqyrtim në komisionin e ligjeve.
 

Deputeti i opozitës, Bashkim Fino, kërkoi që punonjësit e këtij institucioni të mos kenë lidhje me asnjë person, pasuria e të cilit kontrollohet prej këtij institucioni.
 

Kreu i ILDKP-së bëri një panoramë të zhvillimeve në këtë institucion për vitin 2011.
Për 2012 Inspektoriati i Lartë i Deklarimit të Pasurive ka si synim rritjen e numrit të hetimeve administrative.