Raporti i KE-së, Lohan ia dorëzon Presidentit Topi

Raporti vjetor i Komisionit Evropian i është dorëzuar sot edhe kreut të shtetit, Bamir Topi. Gjatë takimit me shefin e delegacionit të KE-së në Tiranë, Helmut Lohan, Presidenti Topi ka vlerësuar ndihmën që Bashkimi Europian i ka dhënë Shqipërisë.
Gjithashtu Presidenti Bamir Topi ka deklaruar se është i vetëdijshëm për punën dhe sfidat që vendi ka përpara, duke theksuar angazhimin maksimal për realizimin e reformave.
Një ditë më parë progres-raporti i është dorëzuar edhe kryeministrit Sali Berisha dhe kryetares së Kuvendit Jozefina Topalli.